Денес 7 февруари 2026 година се празнува: Свети Григориј Богослов

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 7 февруари 2026 година се празнува: Свети Григориј Богослов

07 февруари 2026

• од Станча Јаќимовски

Денес се празнува споменот на Свети Григориј Богослов, архиепископ Цариградски и еден од најголемите умови и богослови во историјата на Православната Црква.

Свети Григориј е роден во Назијанз, од татко Елин и мајка христијанка. Неговата мајка, Нона, имала силно духовно влијание врз него и одиграла клучна улога во неговото оформување како христијанин. Пред да го прими светото Крштение, Григориј се школувал во Атина, каде што учел заедно со свети Василиј Велики и Јулијан, кој подоцна ќе стане познат како Отстапник. Уште тогаш, Григориј му пророкувал на Јулијан дека ќе отстапи од верата и ќе стане гонител на Црквата – нешто што подоцна навистина се исполни.

По завршувањето на школувањето, Григориј се крстил и целосно се посветил на црковниот живот. Свети Василиј Велики го ракоположил за епископ на Сасима, а набргу потоа, по повик на царот Теодосиј Велики, бил поставен на испразнетиот престол на Цариградскиот архиепископ.

Свети Григориј оставил богато и длабоко теолошко творештво, поради што Црквата го нарекла Богослов. Најпознато меѓу неговите дела е „Беседа за Света Троица“, која има особено значење за православното учење. Тој ревносно се борел против ересите на своето време, пишувајќи против Македониј, кој погрешно учел дека Светиот Дух е создание, како и против Аполинариј, кој го негирал постоењето на човечка душа кај Христос. Исто така, пишувал и против својот поранешен школски другар, царот Јулијан Отстапник.

Во 381 година, за време на Соборот, настанала расправија околу неговиот избор за архиепископ. Тогаш Свети Григориј, покажувајќи редок пример на смирение, сам се повлекол, изговарајќи ги познатите зборови:
„Не можат да нѐ лишат од Бога оние што нѐ лишуваат од престолот“.

По заминувањето од Цариград, се вратил во Назијанз, каде што до крајот на животот живеел повлечено, во молитва и пишување на корисни духовни книги. Иако бил со слабо здравје речиси целиот живот, доживеал осумдесет години.

Се упокоил во Господ во 390 година. Неговите мошти подоцна биле пренесени во Рим, а неговата глава се наоѓа во Успенскиот собор во Москва. Свети Григориј Богослов останал и до денес прекрасно светило на Православната Црква – како поради кротоста и чистотата на својот карактер, така и поради ненадминливата длабочина на својот ум.