Денеска се празнува Светиот апостол Филип ѓакон

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот апостол Филип ѓакон

27 ноември 2025

• од Станча Јаќимовски

Денешниот ден во православниот календар е посветен на споменот на Светиот апостол Филип ѓакон, истакнат ученик Христов и еден од апостолите од Седумдесетте. Родум од Кесарија Палестинска, Филип бил човек со силна вера и посветеност, кој ја носел благата вест за Христовото Евангелие низ многу земји и народи.

Филип живеел во благословен брак во кој му се родиле четири ќерки. Сите четири имале посебен духовен дар – пророкување. Тие својот живот го посветиле на Христос, останувајќи заветувани девици, што сведочи за благодатта која пребивала во нивното семејство и дом.

Кога светите апостоли во првата христијанска заедница ги избирале првите ѓакони, меѓу избраните бил и Филип, заедно со светиот првомаченик Свети Стефан и другите служители. Неговата ѓаконска служба се истакнувала со посебна грижа, топлина и ревност. Со голема љубов и внимание, Филип им служел на вдовиците и сиромашните, покажувајќи дека вистинското служење на Бога неминовно се гледа и во служењето на ближните.

Во времето на суровото гонење на христијаните во Ерусалим, апостолот ги напуштил градските sидини и нашол засолниште во Самарија. Таму, среде народ кој бил жеден за духовна вистина, тој започнал смело да го проповеда Христовото учење. Неговата проповед не била само со зборови, туку и со дела на сила – извршувал бројни чуда, ги исцелувал болните, изгонуваал демони и го објавувал присуството на живиот Бог. Сведоштвата за неговите чудесни дела биле толку силни што меѓу крстените бил и прочуениот волхв Симон, познат како човек со магиски способности, кој бил восхитен од вистинската Божја моќ.

Филип бил и апостолот кој го крстил дворскиот службеник – евнух на етиопската царица Кандакија, важна личност во тој историски период. Крштението на евнухот се смета за клучен момент во ширењето на христијанството кон африканскиот континент.

Според црковното предание, по Божја промисла апостолот бил невидливо пренесен од ангел Божји во Азот, од каде што продолжил да проповеда и учи. Таму многумина ги обратил кон христијанската вера, станувајќи светол пример како Бог ги води своите избраници на места каде што нивното сведоштво е најпотребно.

Неговата апостолска мисија продолжила и во Лидија, каде што бил поставен за епископ, духовен пастир и учител на народот. Во таа област, со ревност и мудрост, тој крстил голем број луѓе и ја утврдил Црквата Христова.

Светиот апостол Филип ѓакон ја завршил својата земна мисија мирно и без мачеништво, за разлика од многу други апостоли. Се упокоил во длабока старост, оставајќи зад себе неизбришлив духовен траг, пример на саможртва, милосрдие и апостолска храброст.

Неговиот спомен нѐ потсетува дека верата се живее преку љубов, дека чудата се сведоштво на Божјата сила, и дека служењето на луѓето е неразделно од служењето на Бога.