Бугарија побара рок за уставните измени: Нема нови услови надвор од консензусот од 2022 и сите други елементи од него

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија побара рок за уставните измени: Нема нови услови надвор од консензусот од 2022 и сите други елементи од него

08 октомври 2026

• од Тодор Вангелов

Бугарската министерка за надворешни работи Велислава Петрова побара од Тимчо Муцунски конкретна временска рамка во која Северна Македонија планира да ги спроведе уставните измени и останатите обврски од европскиот консензус постигнат во 2022 година. Таа нагласи дека Софија не поставува нови барања надвор од веќе договореното.

По билатералната средба во Софија, побарана од македонска страна, Петрова изјави дека Бугарија ја поддржува европската перспектива на Северна Македонија, но дека условите за напредок остануваат непроменети од 2022 година. Меѓу нив се уставните измени, со кои бугарската заедница треба да биде внесена во Уставот, како и исполнувањето на другите елементи од тогаш постигнатиот европски консензус.

Петрова посочи дека директно го прашала Муцунски како Скопје ја замислува временската рамка за исполнување на овие обврски. Според неа, македонската страна смета дека најпрво треба да се изгради доверба, додека бугарската позиција е дека довербата најдобро се гради токму преку исполнување на веќе преземените обврски.

Таа нагласи дека Бугарија нема дополнителни очекувања надвор од она што е запишано во договорениот европски пакет од 2022 година. Истовремено, Петрова потсети дека пристапувањето кон Европската Унија се води според утврдени правила, критериуми и преговарачката рамка, а одлуките во следните фази ги носат земјите членки. Според неа, затоа ниту една земја членка не може однапред да даде гаранции за целиот понатамошен процес.

Петрова оцени дека исполнувањето на обврските од 2022 година е најдиректниот пат Северна Македонија да го искористи актуелниот импулс за проширување на Европската Унија. Таа ги посочи Албанија и Црна Гора како примери на земји од Западен Балкан кои со политичка волја продолжуваат напред во европскиот процес и изрази надеж дека истото ќе се случи и со Северна Македонија.