Историчарот Ангел Димитров: Скопје не ги исполнува обврските, историската комисија без резултат, а грижата за Ива доцни

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Историчарот Ангел Димитров: Скопје не ги исполнува обврските, историската комисија без резултат, а грижата за Ива доцни

08 октомври 2026

• од Гоце Кически

Историчарот проф. Ангел Димитров, копретседател на Заедничката мултидисциплинарна експертска комисија за историски и образовни прашања меѓу Северна Македонија и Бугарија, оцени дека довербата меѓу Скопје и Софија може да се гради само со исполнување на веќе преземените обврски.

Димитров ги коментираше изјавите на министерот за надворешни работи Тимчо Муцунски за потребата од обновување на довербата меѓу двете земји. Според него, тешко е да се зборува за доверба доколку договореното не се спроведува.

Тој нагласи дека разговорите меѓу Северна Македонија и Бугарија се неопходни и оцени дека обидите билатералните прашања да се префрлат на европско ниво нема да доведат до промена на бугарската позиција.

Во однос на европската интеграција, Димитров рече дека процесот може да биде предвидлив доколку Северна Македонија ги насочи своите напори кон исполнување на преземените обврски и барањата поврзани со нејзиниот европски пат.

Професорот се осврна и на работата на Заедничката историска комисија. Тој потврди дека последната средба во септември завршила без резултат, а следната е предвидена за почетокот на ноември во Скопје. Димитров изрази надеж дека на новата средба ќе има поконструктивен пристап од македонските членови на Комисијата.

Во врска со случајот на Ива Михаилова, Димитров оцени дека грижата за нејзината здравствена состојба требало да биде покажана многу порано. Според него, нејзината состојба бара сериозно медицинско внимание и соодветна лекарска проценка.