Бугарски историчар: Мицкоски не може да биде лав, туку пародија на Вучиќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски историчар: Мицкоски не може да биде лав, туку пародија на Вучиќ

11 јули 2025

• од Станча Јаќимовски

Бугарскиот историчар и член на Бугарската академија на науките, Спас Ташев, даде свој осврт на актуелните односи меѓу Бугарија и Северна Македонија, со фокус на последната размена на изјави меѓу бугарскиот министер за надворешни работи Георг Георгиев и премиерот Христијан Мицкоски.

Во својата анализа, Ташев ги изрази своите ставови за позицијата на Бугарија во рамките на Европската Унија, како и за идентитетските прашања поврзани со Северна Македонија.

Тој ја коментираше реакцијата на Мицкоски, кој побара официјално извинување од Софија поради изјавата на министерот Георгиев дека Бугарија станала фактор во ЕУ и на Балканот – став кој, според Ташев, не треба да се смета за навредлив.

Во продолжение, Ташев упатува неколку тези поврзани со името на државата, нејзиниот јазик и идентитет. Тој ја потенцира географската определба „Северна“ во името на државата, истакнувајќи дека според него, таа одразува само дел од пошироката историско-географска област Македонија.

Според неговото гледиште, одредниците како „северномакедонски“ треба да се користат во опис на идентитетот, јазикот и институциите на земјата, во согласност со нејзиното уставно име.

Ташев се осврна и на дебатата во Европскиот парламент околу Извештајот за напредокот на Северна Македонија, каде неколку европратеници од Бугарија и Грција исто така ги поставија прашањата за идентитетот и јазикот.

Во својата анализа, Ташев прави и споредби со други примери на географски одредници во светски рамки (како севернокорејски, источен тиморски итн.) со цел, како што вели, да укаже на примената на меѓународни практики при именувањето на државните идентитети.

Историчарот ја цитира и изјавата на премиерот Мицкоски во врска со Георгиев, во која Мицкоски вели дека „тоа е влада која ја води некој друг во позадина“ и дека „тоа е како кога глушецот го задева лавот“. Ташев ја користи оваа изјава како основа за својата критика, тврдејќи дека политичката реторика на македонскиот премиер не придонесува за подобрување на односите меѓу двете земји.

Тој, исто така, изразува став дека ваквите прашања треба да бидат јасно комуницирани и објаснети пред европските партнери, со цел да се разберат позициите на Бугарија во контекстот на проширувањето на ЕУ.

Изјавата на Ташев предизвика интерес во медиумите поради начинот на кој се поставени одредени спорни теми, што уште еднаш ги става во фокус билатералните односи меѓу Северна Македонија и Бугарија.