Македонија мора итно да ги усвои уставните измени, порачаа македонските и европските пратеници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија мора итно да ги усвои уставните измени, порачаа македонските и европските пратеници

28 ноември 2025

• од Станча Јаќимовски

Македонија треба без одложување да ја усвои следната фаза од пристапните преговори со Европската Унија, исполнувајќи ги преземените обврски, меѓу кои и уставните измени. Ова го заклучија македонските и европските пратеници на состанокот на Мешовитиот парламентарен комитет ЕУ–Македонија, кој се одржа во Стразбур, Франција.

Со комитетот копретседаваат македонската пратеничка Иванка Василевска од ВМРО‑ДПМНЕ и европскиот пратеник Карло Реслер. Во втората усвоена препорака јасно се наведува дека процесот на проширување на ЕУ мора да продолжи во согласност со Копенхашките критериуми, принципот на сопствени заслуги и исполнети услови, со посебен акцент на уставните измени што предвидуваат вклучување на бугарската заедница, односно вклучување на Бугарите во Уставот.

Препораките ги поддржа и Томас Вајц, известувачот на Европскиот парламент за Македонија, кој изјави дека напредокот во преговорите е клучен за европската иднина на државата.

Во главната формулација на комитетот стои дека следната фаза од преговорите треба да се одржи без непотребно одложување, веднаш штом ќе бидат исполнети релевантните услови утврдени од Советот на Европската Унија.

„Комитетот повикува на одлучувачки чекори за унапредување на преговарачкиот процес во согласност со рамката на ЕУ и спроведување на претходно преземените обврски, вклучувајќи ги и договорените уставни измени. Ја поздравуваме постепената интеграција на земјите-кандидатки во ЕУ, но нагласуваме дека таа не може да биде алтернатива на кредибилен пат кон полноправно членство“, се наведува во документот.

Во документот усвоен во Стразбур, комитетот објави вкупно 23 препораки, во кои посебно внимание е посветено и на добрососедските односи. Се истакнува важноста Северна Македонија да одржува добри и конструктивни односи со соседите, преку почитување на Преспанскиот договор со Грција и Договорот за добрососедство со Бугарија.

За разлика од претходната пракса, во новите препораки нема референца за Северна Македонија како успешен модел за „мултиетничко општество“, што претставува промена во стилот и формулацијата на документот.

Пратениците се согласија дека уставните измени не се само технички услов, туку важен политички чекор што ќе ја деблокира европската интеграција и ќе овозможи државата да продолжи напред на патот кон ЕУ.