СДСМ алармира: Власта веднаш да ги објави анализите за водата во Гостивар, 5.000 граѓани побарале медицинска помош!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ алармира: Власта веднаш да ги објави анализите за водата во Гостивар, 5.000 граѓани побарале медицинска помош!

19 август 2026

• од Темелко Тошев

Социјалдемократскиот сојуз на Македонија (СДСМ) упати остри критики до власта, барајќи итно и транспарентно објавување на официјалните анализи за квалитетот на водата за пиење во Гостивар. Од партијата прашуваат кој ги потпишал резултатите и која институција официјално гарантира дека водата е безбедна за консумирање.

Членката на Извршниот одбор на СДСМ, Наташа Поповиќ, на денешната прес-конференција реагираше дека јавноста веќе пет недели се држи во мрак и граѓаните немаат увид во документите кои ја потврдуваат исправноста на водата.

„Ако сè е во ред, тогаш прашањето е многу едноставно: зошто пет недели нема официјално објавени резултати од анализите на водата во Гостивар? Зошто документите се кријат од јавноста? Кој ги потпишал анализите? Која институција официјално гарантира дека водата е безбедна за пиење?“, изјави Поповиќ пред новинарите.

Според тврдењата на опозициската партија, граѓаните на Гостивар дури 22 дена биле оставени да користат неисправна вода, што резултирало со тоа повеќе од 5.000 лица да побараат лекарска помош. Поради овие загрижувачки бројки, СДСМ повторно апелираше надлежните конечно да ги објават сите резултати.

Поповиќ не ја пропушти можноста да го прозове и министерот за здравство, Азир Алиу, кој претходно изјави дека анализи на водата се прават секојдневно.

„Ако анализите се прават секој ден, каде се резултатите и зошто тие не се објавени?“, праша таа, доведувајќи ја во прашање транспарентноста на надлежното министерство.

За време на прес-конференцијата, СДСМ упати и остри критики до владејачката ВМРО-ДПМНЕ, осудувајќи ја нивната неодамнешна партиска прослава во Гостивар. Од таму порачаа дека на гостиварци во овие моменти им се потребни конкретни одговори и решенија за проблемот со водата, а не „партиски прослави и здравици“.