Мрме жестоко удри по ФФМ: „Важно ви е само личните интереси да ви се задоволат!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Мрме жестоко удри по ФФМ: „Важно ви е само личните интереси да ви се задоволат!“

24 декември 2025

• од Станча Јаќимовски

Поранешниот селектор на македонската фудбалска репрезентација, Игор Ангеловски – Мрме, упати остри критики кон раководството на Фудбалската федерација на Македонија (ФФМ) по изборот на Гоце Седлоски за нов селектор на националниот тим.

Ангеловски преку објава на социјалните мрежи го оцени процесот на избор како несериозен и неодговорен, нагласувајќи дека функцијата селектор не смее да биде предмет на лични или политички пресметки, особено во пресрет на клучните натпревари за пласман на Светското првенство, кои според него претставуваат „национално прашање“.

„Селекторот Гоце Седлоски – ни риба ни девојка! Несериозен пристап на раководството на ФФМ заедно со Управниот одбор, најпрво со Благоја Милевски, а сега и со изборот на нов селектор за клучните квалификациски натпревари“, напиша Ангеловски.

Тој потенцира дека не е важно дали одлуката е донесена од комисија или од Управниот одбор, бидејќи суштината е иста – отсуство на јасна визија и сериозен критериум. Според него, изборот на селектор не смее да се третира како административна функција, туку како стратешка позиција од највисок национален интерес.

„Вие не правите разлика, важно е само личните интереси да ви бидат задоволени“, обвини поранешниот селектор, кој директно се обрати и до своите колеги вклучени во процесот на избор, повикувајќи ги јавно да застанат зад своите одлуки и да не дозволуваат, како што вели, зад нив да се кријат „фудбалски стаорци“.

Ангеловски откри дека неговата реакција била поттикната и од разговорите што ги слушнал на семинарот за тренери со про-лиценца, кој се одржувал паралелно со промоцијата на новиот селектор во хотелот „Хилтон“. Според него, незадоволството кај стручната фудбалска јавност било масовно.

„Ако еден зборува – можеби е до него. Ако зборуваат двајца или повеќе, тогаш господине Омерагиќ, треба да се замислите“, порача Ангеловски.

На крајот, тој подвлече дека македонскиот фудбал не заслужува ваков третман, потсетувајќи на историскиот успех што го постигна токму под негово водство – пласманот на Европското првенство, најголемото достигнување во историјата на македонскиот фудбал.