Бугарија го доби првиот F-16 Block 70 во база на „Локхид Мартин“ во САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија го доби првиот F-16 Block 70 во база на „Локхид Мартин“ во САД

31 јануари 2025

• од Гоце Кически

Бугарија го доби својот прв борбен авион F-16 Block 70 на свечена церемонија во базава на „Локхид Мартин“ во Гринвил, Јужна Каролина, САД. Овој чекор претставува значителен напредок во стратешкото партнерство со САД во областа на одбраната, нагласи премиерот Росен Желјазков.

Со оваа аквизиција, бугарските Военновоздухопловни сили ќе стекнат нови способности за извршување на широк спектар на задачи. F-16 Block 70 е модерен повеќенаменски авион кој ќе овозможи целосна оперативна интероперабилност со сојузниците од НАТО и Европската Унија.

Официјалното предавање на првиот F-16 Block 70 се одржа во присуство на претставници од „Локхид Мартин“, членови на Конгресот и Сенатот на САД, како и високи претставници од Министерството за одбрана и Воздухопловните сили на САД. На настанот присуствуваа и претставници на локалната власт од Јужна Каролина.

Бугарија ќе добие вкупно 16 авиони F-16 Block 70 преку два договори склучени во 2019 и 2022 година. Првиот дел од проектот опфаќа испорака на 8 авиони, од кои два ќе пристигнат во Бугарија во април оваа година, додека останатите шест ќе пристигнат до крајот на 2025 година. Вториот дел од договорот ќе донесе дополнителни 8 авиони, кои ќе бидат доставени до 2027 година.

Како дел од договорот, 32 пилоти ќе бидат обучени во САД. Дополнително, започна обуката за инженерско-техничкиот персонал, а се планира повеќе од 100 специјалисти да бидат подготвени за работа со новите авиони. Обуката е синхронизирана со распоредот за испорака на авиони.