06 март 2026
• од Станча Јаќимовски
Бугарските железници (БДЖ) во наредните денови ќе потпишат договор со германската железничка компанија Deutsche Bahn за испорака на 91 патнички вагон. Ова го соопшти бугарското Министерство за транспорт и врски.
Информацијата беше објавена по средбата меѓу привремениот министер за транспорт Корман Исмаилов и амбасадорката на Германија во Бугарија, Ирене Планк.
На состанокот, министерот Исмаилов истакна дека железничкиот систем во земјата се соочува со недостиг од патнички вагони, што го отежнува квалитетното услужување на патниците. Тој додаде дека дел од постојниот возен парк е морално и технички застарен, поради што е неопходно обновување на опремата.
Во текот на разговорите бил разгледан и новиот Закон за јавен транспорт, кој моментално се наоѓа во Народното собрание на Бугарија. Документот се разгледува во прво читање во Комисијата за транспорт и врски. Според министерот, до институциите пристигнале голем број предлози од заинтересираните страни, кои ќе бидат внимателно анализирани и евентуално вклучени во законот.
Амбасадорката Планк нагласи дека законот е исклучително важен и претставува значаен чекор за развојот на јавниот транспорт во Бугарија. Таа ја изрази и поддршката на Германија за развојот на транспортниот Коридор VIII, нагласувајќи дека проектот има стратешко значење не само за регионот, туку и за целиот Европски сојуз. Според неа, Германија ќе работи на забрзување на процесите поврзани со овој проект.
Бугарија очекува железничката врска со С. Македонија да биде завршена до 2030 година
Ненадминливи Понуди Дневно
4.8 (10276 рецензии)
Заштедете 152.00 ден

