Претседателот на Украина: Иран и Русија како терористички режими мора да бидат поразени, без исклучок

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Претседателот на Украина: Иран и Русија како терористички режими мора да бидат поразени, без исклучок

28 февруари 2026

• од Гоце Кически

Претседателот на Володимир Зеленски денеска ја истакна јасната позиција на Украина во однос на улогата на Иран во вооружувањето на Русија, нагласувајќи дека одлучниот одговор на меѓународната заедница е клучен за намалување на глобалните закани и спречување на ширење на насилството.

Зеленски потсети дека Украина никогаш не упатила закани кон Иран, но иранскиот режим, како што рече, избрал да стане сојузник на Кремљ во агресијата врз украинскиот народ. Тој подвлече дека Техеран не само што испорачал беспилотни летала од типот „шахед“, туку и технологии за нивно производство, како и друго вооружување.

Според украинскиот претседател, од почетокот на целосната инвазија Русија употребила повеќе од 57.000 напаѓачки дронови од типот „шахед“ против украински градови, цивилно население и енергетска инфраструктура. Тој додаде дека последиците од, како што ги нарече, ирански поддржани терористички активности не ги почувствувала само Украина, туку и други држави.

„Праведно е иранскиот народ да добие шанса да се ослободи од терористички режим“, истакна Зеленски, додавајќи дека безбедноста на сите држави кои биле цел на тероризам со потекло од Иран мора да биде гарантирана.

Претседателот ја повтори позицијата на Киев дека примарна цел останува зачувување на што е можно повеќе човечки животи и спречување на проширување на војната. Во тој контекст, тој ја поздрави решителноста на Соединетите Американски Држави, нагласувајќи дека „секогаш кога има американска одлучност, глобалните криминалци ослабуваат“. Според него, таа порака мора да биде јасно разбрана и во Москва.

Зеленски оцени дека, иако никој не може да го предвиди точниот момент на пресврт, секој чин на зло, терор и агресија кон соседите на крајот добива праведен одговор. Тој изрази очекување дека регионот на Блискиот Исток ќе стане побезбеден и постабилен, потенцирајќи дека веќе се забележуваат значајни промени во таа насока.

„Украина е подготвена да ѝ помогне на секоја држава за да се зголемат безбедноста и правдата, а да се намали влијанието на терористичките режими“, заклучи Зеленски.