Софија е заинтересирана за пактот на Албанија, Косово и Хрватска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Софија е заинтересирана за пактот на Албанија, Косово и Хрватска

15 април 2025

• од Вардарски

Министерот за надворешни работи на Бугарија, Георг Георгиев, потврди дека земјата е запознаена со новата иницијатива за одбранбена соработка меѓу Албанија, Косово и Хрватска, но засега не е официјално вклучена, ниту добила покана за приклучување. Ова го изјави во писмен одговор до бугарските пратеници од коалицијата „Продолжуваме со промената – Демократска Бугарија“, кои побараа појаснување околу наводниот интерес на Софија за учество во новиот сојуз.

Станува збор за Заедничка декларација за одбранбена соработка, потпишана на 18 март 2025 година во Тирана, од министрите за одбрана на трите земји. Бугарија официјално добила копија од документот преку вербална нота на албанската амбасада во Софија на 25 март.

Георгиев нагласува дека бугарското Министерство за надворешни работи не било консултирано од иницијаторите, ниту била упатена официјална покана за приклучување, но не негира дека постои интерес за содржината на иницијативата и таа се анализира внимателно.

Од друга страна, албанскиот министер за одбрана Пиро Венгу изјави дека имало интерес од бугарска страна, а слично тврдење доаѓа и од косовскиот министер за одбрана. Овие изјави сугерираат дека Бугарија можеби е заинтересирана да се вклучи во иднина, иако засега тоа не е формализирано.

Министерот Георгиев нагласи дека Бугарија има одлични билатерални односи со сите три земји, при што со Хрватска и Албанија е сојузник во НАТО, а во Косово има стациониран воен контингент како дел од мировната мисија KFOR.

Целта на декларацијата меѓу Албанија, Косово и Хрватска е да се зајакне безбедносната соработка, да се одговори на хибридни закани и да се промовира заеднички пристап кон регионалната стабилност. Предвидено е:

унапредување на одбранбената индустриска соработка,
заеднички обуки, вежби и образовни програми,
поддршка за евроатлантска интеграција.

Во врска со одделната спогодба за одбранбена соработка помеѓу Србија и Унгарија, потпишана на 1 април, Георгиев изјави дека не може да коментира, бидејќи станува збор за билатерален документ во кој Бугарија не учествува.