Атанасовски: Внесувањето на Бугарите во Уставот не требаше да стане национален проблем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Атанасовски: Внесувањето на Бугарите во Уставот не требаше да стане национален проблем

21 јануари 2026

• од Станча Јаќимовски

Во подкастот „Прочетна пресметка“, Благојче Атанасовски зборуваше за контрадикторноста во изјавите и постапките на дел од високите државни функционери во однос на уставните измени и односот кон бугарската заедница во државата.

На прашањето дали е срамно тоа што од една страна се слушаат остри изјави дека „никогаш нема да се прифати внесување на Бугарите во Уставот“, а од друга страна Бугари веќе има во владата, Атанасовски беше дециден:

„Не само што е срамно, јас мислам дека во најмала рака не требаше да се направи таков национален проблем од внесувањето на Бугарите во Уставот.“

Според него, македонското општество веќе еднаш направило тежок и болен компромис со промена на уставното име на државата, и тоа по долг и длабок општествен судир.

„Ние како општество и како држава направивме консензус за промена на името. И покрај тоа што огромен дел од населението беше против, имаше 600.000 граѓани кои гласаа за Преспанскиот договор“, истакна тој.

Атанасовски смета дека ако таа одлука се стави „на кантар“ со целта – европска и евроатлантска иднина – тогаш актуелниот наратив околу внесувањето на Бугарите во Уставот изгледа непропорционално и вештачки надуван.

„Да направиме баук од внесувањето на три илјади и петстотини четири Бугари, колку што се евидентирани на пописот од 2021 година, е повеќе политички проблем отколку национален“, нагласи Атанасовски.

Тој заклучи дека ваквите теми често се користат за дневнополитички цели, наместо за рационална дебата за иднината на државата и нејзината европска перспектива.