Битиќи: Пи-арот на Владата не се совпаѓа со реалниот квалитет на живот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Пи-арот на Владата не се совпаѓа со реалниот квалитет на живот

11 февруари 2026

• од Станча Јаќимовски

Пратеникот на СДСМ, Фатмир Битиќи, остро реагира на, како што вели, разликата меѓу владиниот пи-ар и реалната состојба во која живеат граѓаните. Според него, позитивната слика што Владата ја промовира за економските резултати не кореспондира со секојдневното искуство на населението, ниту со релевантните меѓународни индикатори.

Битиќи оценува дека во јавната економска дебата се користат селективни споредби и бројки без соодветен контекст, што доведува до искривена перцепција за состојбата во земјата. „Garbage in, garbage out (GIGO) – кога во економската дебата се внесуваат селективни споредби, самопофалби и бројки без контекст, на излез добиваме лажна ‘четврта економија во Европа’“, наведува тој.

Како аргумент за својата теза, Битиќи посочува дека Македонија се наоѓа на 82-то место според квалитет на живот, што, според него, е показател дека економскиот напредок кој се презентира не се чувствува во реалноста. „Она што граѓаните го чувствуваат е далеку од оптимистичките пораки што ги слушаме секојдневно“, додава пратеникот.

Во тој контекст, тој ја отвора и темата за минималната плата, нагласувајќи дека дебатата за износ од 600 евра не е прашање на политички впечаток, туку на достоинствено вреднување на трудот. Според Битиќи, секоја плата под таа граница испраќа порака дека е прифатливо човек да работи цел месец и сепак да остане сиромашен.

„Под таа граница, државата практично порачува дека е нормално човек да работи цел месец и сепак да не може да ги покрие основните животни трошоци“, заклучува Битиќи, повикувајќи на посериозна и пореална економска политика насочена кон подобрување на животниот стандард на граѓаните.