Ким Мехмети: Македонија не функционира како држава, туку како партиска конструкција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ким Мехмети: Македонија не функционира како држава, туку како партиска конструкција

05 февруари 2026

• од Станча Јаќимовски

Во своето гостување во подкастот „Коридор 8“, Ким Мехмети упати остра и директна критика за начинот на кој функционира државата Македонија, укажувајќи дека најголемиот проблем е што таа формално се третира како нормална и функционална држава, иако во реалноста тоа не е случај.

Според Мехмети, грешката често ја прават и новинарите и јавноста, затоа што логично ја перципираат Македонија како држава во која институциите функционираат, законите важат подеднакво за сите и политичките партии се носители на демократски процеси. „Македонија не е тоа“, потенцира тој, нагласувајќи дека токму таквиот пристап создава дополнителен проблем, бидејќи очекувањата се поставуваат врз основа на модел што овде не постои.

Клучната слабост, според него, е институционалната нефункционалност. Во Македонија, вели Мехмети, институциите не функционираат како институции, туку како продолжена рака на партиите. Политичките партии, пак, не дејствуваат како демократски субјекти со јасна програма и одговорност, туку како „политички секти“, затворени структури лојални на лидерите, а не на граѓаните или на државата.

Како последица на тоа, нема ниту институционални реакции при сериозни општествени и политички настани. Наместо систем што реагира преку правила и процедури, Македонија функционира преку поединци. „Институцијата е поединецот“, вели Мехмети, објаснувајќи дека институциите постојат за да ѝ служат на партијата, а не на државата, или на граѓанинот.

Во таков контекст, државата ја губи својата суштинска функција. Наместо да биде сервис на јавниот интерес, таа станува алатка за партиска и лична корист. Затоа, според Мехмети, Македонија не може да се дефинира како институционална држава, туку како партиска држава, во која лојалноста кон партијата е поважна од законите, а поединецот поважен од системот.

Оваа дијагноза, иако мрачна, отвора суштинско прашање: дали Македонија може да напредува без длабока трансформација на начинот на кој се сфаќаат и се градат институциите – не како сопственост на партиите, туку како темел на државата и заштитник на граѓаните.