ЛДП: Николоски покажува елементарно непознавање на разликите меѓу ЕУ и Шенген

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЛДП: Николоски покажува елементарно непознавање на разликите меѓу ЕУ и Шенген

31 јануари 2026

• од Станча Јаќимовски

Либерално-демократската партија (ЛДП) изрази изненадување од, како што наведуваат, недоволното познавање на правилата и процесите на Европската унија од страна на вицепремиерот и министер за транспорт, Александар Николоски. Реакцијата доаѓа по неговото гостување во емисијата „Тема на денот“, каде што говореше за европската перспектива на државата и актуелните случувања поврзани со протестите на транспортерите.

Според ЛДП, изјавата на Николоски дека новата цел за членство во ЕУ е 2030 година, а дека за влез во Шенген-зоната би биле потребни дополнителни пет години, покажува „елементарно непознавање“ на суштинските разлики меѓу членството во Европската унија и членството во Шенген-зоната.

„Со членство во ЕУ веќе не важи правилото за ограничен престој од 90/180 дена, додека членството во Шенген подразбира укинување на граничните контроли. Дополнително, важно е да се напомене дека една држава може да биде дел од Шенген-зоната и без да биде членка на ЕУ, како што се Швајцарија, Исланд и Лихтенштајн“, потсетуваат од ЛДП.

Од партијата упатија и иронична порака до вицепремиерот и владините функционери, наведувајќи дека би било добро прво да ги совладаат основните разлики меѓу ЕУ и Шенген-зоната, па дури потоа да ги продолжат своите активности во Брисел.

Во соопштението се осврнуваат и на економските последици од неодамнешните блокади, оценувајќи дека Македонија во изминатите денови изгубила милиони евра. Како што наведуваат, иронијата е во тоа што состојбата на крајот била надмината од самите превозници од регионот, кои најавуваат дека транспортот наскоро ќе се нормализира.