04 март 2026
• од Станча Јаќимовски
Денеска (04.03.2026) од 07:00 до 13:00 часот полицијата спроведе сообраќајна контрола на подрачјето на СВР Тетово, односно во Гостивар. Контролата ја спроведе Мобилната единица за безбедност на сообраќајот со цел да се откријат и казнат возачи кои не ги почитуваат сообраќајните правила.
Во текот на контролата биле изречени вкупно 59 казни за различни сообраќајни прекршоци. Дел од казните се за истечена сообраќајна дозвола, за превоз на повеќе патници од дозволеното во автобуси, минибуси и такси возила, како и за автобус кој немал направено вонреден технички преглед. Казни добиле и возачи кои вршат јавен превоз без лекарско уверение.
Полицијата казнила и товарни возила поради претовар на стока, вонреден превоз и некористење церада. Имало и казни за возачи кои немале задолжителна опрема во возилото, како и за други сообраќајни прекршоци. Поднесени се и 15 барања за поведување прекршочна постапка против правни и одговорни лица.
За време на контролата едно лице било приведено затоа што управувало возило без возачка дозвола, што претставува кривично дело „безобѕирно управување со моторно возило“. Полицијата одзела и пет возила затоа што нивната сообраќајна дозвола била истечена повеќе од шест месеци.
Ненадминливи Понуди Дневно
4.8 (10276 рецензии)
Заштедете 152.00 ден

