СДСМ: Работниците се борат за парче леб, Владата зборува за 2028, платите мора да се зголемат веднаш

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Работниците се борат за парче леб, Владата зборува за 2028, платите мора да се зголемат веднаш

31 јануари 2026

• од Станча Јаќимовски

Платите на работниците мора да се зголемат веднаш, уште оваа година, затоа што животот станува сѐ поскап, а приходите не ги покриваат ни основните трошоци. На граѓаните не им се потребни изговори и најави за 2028 година, туку реални мерки сега, реагираат од СДСМ.

„Работниците едвај врзуваат крај со крај. Парите не им стигаат од први до први и немаат луксуз да чекаат уште две години“, се наведува во реакцијата.

Од партијата посочуваат дека според последните податоци, минималните месечни трошоци на едно четиричлено семејство во јануари 2026 година изнесувале 66.413 денари. Тоа значи дека дури ни две минимални плати не се доволни за покривање на основните животни потреби.

„Минималната плата од околу 400 евра не обезбедува заштита на животниот стандард и не ја следи реалната структура на трошоците на просечното домаќинство. Работниците буквално се борат за парче леб“, велат од СДСМ.

Воедно, од партијата прашуваат зошто граѓаните треба да чекаат, кога, како што наведуваат, премиерот не чекал две години за да купи луксузни часовници во вредност од 65.000 евра.

СДСМ потсетува дека Македонија денес има една од најниските минимални плати во регионот и во Европа, иако Владата се фали со економски успеси.

„Ако сме, како што тврди Мицкоски, четврта економија во Европа, зошто тогаш не сме четврти и по висината на платите?“, прашуваат од партијата.

Во регионот, минималните плати веќе значително се зголемуваат. Во Косово минималната плата расте од 350 на 500 евра во две фази, во Албанија од 1 јануари 2026 година ќе изнесува 500 евра, во Србија е зголемена на 500 евра, додека во Црна Гора се движи меѓу 600 и 800 евра.

Последиците од ниските плати, според СДСМ, веќе се чувствуваат на терен.

„Квалификуваните работници масовно заминуваат во странство, младите се иселуваат, а државата увезува таканаречени ‘економски работници’. Освен ако целта на Владата не е токму тоа – преку увоз на евтина работна сила да се намали вредноста на трудот“, предупредуваат од партијата.

Од СДСМ порачуваат дека зголемувањето на платите не смее да се одложува и дека Владата мора веднаш да преземе мерки за заштита на животниот стандард на работниците.