СДСМ: Власта воспоставува целосна контрола врз правосудството и ја оддалечува државата од ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта воспоставува целосна контрола врз правосудството и ја оддалечува државата од ЕУ

31 јануари 2026

• од Станча Јаќимовски

Социјалдемократскиот сојуз на Македонија предупредува дека актуелната власт сериозно го загрозува владеењето на правото и европската перспектива на државата, и покрај значајната финансиска и политичка поддршка што Македонија ја добива од Европската Унија.

Според СДСМ, Европската Унија има инвестирано околу 200 милиони евра за реформи во владеењето на правото и правосудниот систем, додека Владата, наместо суштински реформи, започнала процес на политичко инсталирање „свои“ судии и обвинители.

Закон спротивен на препораките на ЕУ

Од партијата прашуваат како ќе реагира Европската Унија кога ќе се соочи со усвојување закони за правосудство кои не се во согласност со европските препораки и стандарди, како и со практики на партиско влијание при изборот на судски и обвинителски кадар.

„Дали ова е патот што води кон европска интеграција или кон меѓународна изолација?“ – прашуваат од СДСМ.

Алармантни забелешки во извештајот на Европската комисија

Во последниот Извештај за напредокот на Македонија, Европската комисија нотира сериозни слабости во повеќе клучни области – правосудството, борбата против корупцијата, слободата на медиумите и функционирањето на Собранието.

Наместо да ги адресира овие забелешки, според СДСМ, Владата свесно отвора конфликти со соседите, со цел да ја оправда изолацијата и да го блокира процесот на европски преговори.

Антиевропска реторика и опасни сојузништва

СДСМ обвинува дека власта води отворена антиевропска кампања, префрлајќи ја вината за застојот во интеграциите врз Европската Унија. Како особено загрижувачки се посочуваат јавните настапи и присуства на високи владини функционери на настани со изразен антиевропски и проруски карактер.

Паралелно, се предупредува дека во соседството веќе се гледа како Европската Унија реагира на обиди за целосна контрола врз судиите и обвинителите – реакција која, според СДСМ, не изостанува ниту кога станува збор за Македонија.

Европска иднина или изолација

„Дали Македонија сака да стане европска демократска држава или да се претвори во изолирана земја, надвор од европските вредности?“ – е клучното прашање што го отвора СДСМ.

Од партијата потсетуваат дека 71% од граѓаните ја поддржуваат интеграцијата во Европската Унија, што, според нив, јасно покажува дека политиките на изолација се спротивни на волјата на народот.