Заев реагира на обвинувањата од ВМРО-ДПМНЕ: Ќе ја бранам честа со сите правни средства

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Заев реагира на обвинувањата од ВМРО-ДПМНЕ: Ќе ја бранам честа со сите правни средства

08 февруари 2026

• од Гоце Кически

Поранешниот премиер на Северна Македонија, Зоран Заев, преку објава на социјалните мрежи остро реагираше на, како што ги нарече, „континуираните лаги, клевети и навреди“ од страна на ВМРО-ДПМНЕ и нејзини претставници, најавувајќи можни правни чекори доколку не добие јавно извинување.

Во објавата, Заев истакнува дека веќе пет години е целосно повлечен од политиката, откако поднел оставка од сите политички и државни функции. И покрај тоа, според него, ВМРО-ДПМНЕ, нејзиното раководство, портпароли и медиуми блиски до партијата, речиси секојдневно го споменуваат неговото име, пласирајќи, како што вели, невистини и конструкции.

Посебно реагира на обвинувањата поврзани со случајот за конфискација на десетици тони медицински канабис, нагласувајќи дека е „безобразна лага“ дека на кој било начин е поврзан со тие настани или дека вршел притисок врз Царинската управа. Заев бара јавно извинување од пратеникот Петрушевски и од ВМРО-ДПМНЕ за, како што наведува, намерната злоупотреба на неговото име во таа, според него, „режирана драма“.

Во продолжение, поранешниот премиер ги демантира и другите тврдења што, како што наведува, со години се повторуваат во јавноста – дека градел облакодери во Дубаи, дека вршел притисок за купување на приватна болница, или дека се мешал во работата на правосудните и други институции. Сите овие наводи ги оценува како измислици и дрски лаги.

„Трпам секојдневни навреди веќе пет години. Се борев за слобода на говорот и никогаш не сум се одмаздил, ниту сум ја злоупотребил политичката позиција, но сега е доста“, порачува Заев, потсетувајќи и на настаните од 27 април во Собранието.

На крајот од објавата, тој најавува дека, доколку во законски предвидениот рок не добие извинување, ќе поднесе тужба против пратеникот Петрушевски и ВМРО-ДПМНЕ, со цел, како што вели, „со сите правни средства да ја симне дамката од своето име“.