Барања за радикална мерка: Шкупи да биде избркан од македонскиот фудбал

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Барања за радикална мерка: Шкупи да биде избркан од македонскиот фудбал

24 август 2025

• од Станча Јаќимовски

Поранешниот македонски шампион и клуб со богата традиција, Шкупи, во последните месеци стана едно од најконтроверзните имиња во македонскиот фудбал. Наместо да биде гордост за своите навивачи и позитивен пример за спортот, чаирскиот клуб се претвори во извор на скандали, инциденти и проблеми кои му нанесуваат огромна штета на домашниот фудбал.

Инцидентот во Штип – кулминација на хаосот

Последниот и најсериозен настан се случи денеска во Штип, кога група родители на деца од Шкупи насилно влегоа на терен и физички нападнаа младинци на Брегалница. Според информациите од теренот, има момчиња со тешки повреди на главата, скршена нога, а дел од сторителите завршија и со полициски лисици. Овој шокантен чин ја отвори дебатата дали е време конечно да се стави крај на толеранцијата кон ваквиот клуб.

Низа скандали и сомнителни практики

Инцидентот во Штип е само врв на айсбергот. Шкупи веќе одамна е во центар на разни контроверзии. Во подготвителниот период, клубот Арсими алармираше за можни местења на пријателски натпревар со чаирскиот тим. Иако мечот беше откажан, Шкупи продолжи со сомнителни активности во Турција, каде што успеа да ја реализира својата намера.

Неисполнети услови и организациски хаос

Шкупи е единствениот клуб од Првата лига кој не ги исполни минималните услови на ФФМ за настап на домашен стадион. Недостаток на инфраструктура за имплементација на ВАР технологијата ги доведе во ситуација да не можат да играат дома. Дополнително, клубот не успеа да обезбеди стадион за второто коло од новата сезона, па натпреварот со Силекс воопшто не се одигра.

На првиот меч, пак, против Шкендија во Тетово, едвај скрпија тим – на клупата имаше само четири играчи, од кои двајца беа голмани. Навивачката група „Шверцери“ јавно го изрази својот револт со транспаренти против управата и демонстративно го напушти стадионот.

Навивачи и јавност против сопствената управа

Дури и верните „Шверцери“, кои секогаш биле моторот на клубот, сѐ погласно се оградуваат од дејствијата на актуелната управа. Тие сметаат дека клубот се уништува однатре, а секој нов потег на раководството носи нов скандал.

Време за одлука

Шкупи не е само клуб кој има спортски проблеми – тоа е институција која со своето однесување создава хаос, нарушува спортски морал и го компромитира угледот на македонскиот фудбал. Од насилни инциденти, преку организациски пропусти, до сомнежи за местења, доволно е јасно дека времето за толеранција заврши.

Ако навистина сакаме здрав и фер фудбал во Македонија, надлежните мора конечно да ја донесат најтешката, но веројатно и единствена исправна одлука – исклучување на Шкупи од македонскиот фудбал.