Башкими и Арсими со импресивни победи чекорат кон Првата лига

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Башкими и Арсими со импресивни победи чекорат кон Првата лига

12 април 2025

• од Тодор Вангелов

Во денешното 24 коло од Втората македонска фудбалска лига, фокусот беше ставен врз двете водечки екипи – Башкими и Арсими – кои со убедливи победи направија голем чекор кон пласман во Првата македонска лига.

Екипата на Башкими од Куманово ја декласира Македонска Саса со 5:0 на гостински терен во Македонска Каменица, со што се израмни со Македонија ЃП на првата позиција на табелата – двете екипи имаат по 53 бодови. Македонија ЃП денеска одигра само 0:0 на тешкото гостување во Гевгелија против Кожуф, што го отвори патот за Башкими да ја достигне врвната позиција.

Зад нив, на третото место, стабилно чекори и вториот албански претставник – Арсими, кој ја запиша својата седма последователна победа, откако со 2:0 славеше како гостин против ФК Скопје. Арсими сега има реални шанси за промоција, со оглед дека до крајот на сезоната остануваат уште шест кола.

Доколку Башкими и Арсими успеат да се промовираат, а истовремено Воска Охрид и Беса Добридол се спасат од испаѓање, следната сезона во Првата македонска лига би можеле да имаат дури осум албански екипи, наспроти само четири македонски – историски пресврт кој ќе го потврди доминантното присуство на албанските клубови во елитата. Веќе сега, бројката од шест албански екипи е рекордна.

Во останатите натпревари од колото:

Вардарски од Богданци пријатно изненади со 3:0 победа над ФК Охрид, но и понатаму останува последен со 11 бодови, со минимални шанси за опстанок.
ФК Новаци и Победа Прилеп одиграа без голови (0:0), и остануваат во средината на табелата. Победа е поблиску до зоната за испаѓање.
Во Кочани, Осогово не успеа да ја совлада Беласица од Струмица – уште еден натпревар заврши 0:0, а Осогово останува во бараж-зоната, со 6 бодови помалку од безбедната зона.
Борец Велес загуби со 0:2 од Детонит Плачковица во Радовиш, и останува претпоследен, со многу слаби изгледи за опстанок.

Битката за врвот се вжештува, додека на дното ситуацијата е сè појасна. Следуваат шест многу интересни кола, кои ќе го дадат конечниот одговор – кои ќе се изборат за слава, а кои ќе се соочат со разочарување.