Беќири: Го надигравме Брера – Шкендија оди цврсто по титулата
Шкендија продолжува со силното темпо во Првата македонска фудбалска лига, а тренерот Јетон Беќири не ја крие гордоста по победата над Брера Струмица. Во изјава за клупскиот веб-сајт, стратегот на тетовскиот тим истакна дека неговите избраници биле апсолутно доминантни на теренот и дека победата можела да биде уште поубедлива.
„Одигравме доминантно и сосема заслужено победивме. Ако се навратиме на шансите што ги создадовме, јасно е дека можевме да постигнеме уште неколку гола. Сепак, најважно е што трите бодови се наши. Да не беше несреќниот пенал, победата ќе изгледаше уште поимпресивно“, изјави Беќири.
Тетовци максимално го искористија киксот на Силекс и сега се лидери со 54 бодa, четири повеќе од кратовскиот клуб. Шкендија ја враќа формата кога е најпотребно – во финишот на сезоната, а амбициите се јасни.
„Нема лесни натпревари, секој противник е предизвик. Затоа секој меч го подготвуваме со сериозност и посветеност. Нашата крајна цел е шампионската титула. Сакам на крајот да имаме повеќе бодови од сите и да ја вратиме титулата во Тетово“, додаде Беќири.
Во следното коло, Шкендија ќе има ново искушение – гостување кај Тиквеш во Кавадарци. Натпревар кој може дополнително да ја зацврсти нивната позиција на врвот и да ја продолжи победничката серија.