ФК Карбинци со жесток апел до ОФС Кочани: „Доста беше молк

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

ФК Карбинци со жесток апел до ОФС Кочани: „Доста беше молк – јавноста заслужува вистина!“

29 април 2025

• од Вардарски

Фудбалскиот клуб Карбинци од Третата лига – Исток јавно го повикува Општинскиот фудбалски сојуз Кочани конечно да одговори на прашањата кои веќе подолго време се вртат низ терените, трибините и соблекувалните. Како што велат од клубот – „молкот не е одговор, туку обид за прикривање“.

Во отвореното обраќање до фудбалската јавност, Карбинци остро го критикуваат начинот на работа на сојузот и бараат транспарентност, отчетност и фер-плеј. Нивните прашања се јасни, директни и... незгодни за оние што молчат.

🔎 Кои одлучуваат за казните и жалбите – и како?
„Има ли некој што знае кој седи во комисиите за жалби и дисциплина? Како се носат тие одлуки? И дали сите членови навистина учествуваат – или сè се врти во круг на ‘одбрани’?“, прашуваат од клубот. Карбинци бараат јавно објавување на имињата на членовите и протоколите по кои работат, за да се стави крај на шпекулациите и сомнежите.

🎥 Имате снимки – зошто криете?
Ситуациите на терен се снимаат, а снимките – остануваат скриени. Зошто? ФК Карбинци бара сојузот јавно да ги објавува спорните моменти од натпреварите, за фановите, клубовите и јавноста да видат зошто за исти прекршоци се изрекуваат различни казни. „Транспарентноста не е луксуз, туку обврска“, велат од клубот.

⚽ Каде е помошта за клубовите?
За првпат по неколку сезони, клубовите од Третата лига останаа без никаква поддршка – ниту топки, ниту мрежи, ниту основна опрема. „Додека фудбалерите играат со срце, сојузот гледа од страна. Зошто оваа сезона беше прескокната секоја форма на помош?“ – прашуваат од Карбинци, предупредувајќи дека без поддршка, квалитетот и мотивацијата кај многу клубови опаѓаат.

📣 „Не бараме ништо повеќе од фер-плеј и почитување!“

ФК Карбинци со оваа објава го повикува ОФС Кочани да одговори јавно и транспарентно, но и ги охрабрува сите останати клубови да се вклучат во повикот за промени.

„Фудбалот е за народот. Одлуките што го менуваат текот на натпреварувањето не смеат да се носат зад затворени врати. Ако нема што да се крие – тогаш зошто сè се крие?“, стои во завршниот дел од нивната изјава.