Фудбал за душа и срце – Sвезди на С. Македонија и легендите на Бугарија од САД ‘94 ги обединуваат двете земји!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Фудбал за душа и срце – Sвезди на С. Македонија и легендите на Бугарија од САД ‘94 ги обединуваат двете земји!

05 април 2025

• од Гоце Кически

На 27 април на стадионот „Спартак“ во Варна ќе се одржи голем хуманитарен фудбалски натпревар со учество на фудбалските легенди од славната генерација на Бугарија од Светското првенство во САД 1994 година, како и на познати фудбалски имиња од Северна Македонија. Средствата собрани од настанот ќе бидат донирани за лекување на повредените од трагичниот инцидент во дискотеката во Кочани.

Настанот ќе започне во 16:00 часот со забавна програма, додека самиот натпревар ќе стартува во 18:00 часот. Организатор на оваа иницијатива е Фондацијата „Национали 94“, со поддршка од Општина Варна, која обезбедува финансиски средства за транспорт и сместување на фудбалерите.

Во чест на 30-годишнината од историското „американско лето“, кога бугарската репрезентација го постигна најголемиот успех во својата историја со четвртфинале на Мундијалот, фудбалските херои повторно ќе облечат дресови – овојпат за хуманитарна кауза.

На теренот ќе ги видиме:
Христо Стоичков, Борислав Михаjлов, Емил Кременлиев, Златко Јанков, Емил Костадинов, Јордан Лечков, Наско Сираков, Даниел Боримиров, Пламен Николов, Ивајло Јорданов, Бончо Генчев, Илијан Кирјаков, Петар Михтарски, Петар Александров, Георги Георгиев, Красимир Балаков и Ивајло Андонов.

Поради здравствени и лични причини ќе отсуствуваат: Цанко Цветанов, Петар Хубчев, Николаj Илиев и Велко Јотов. Легендата на Бугарија Трифон Иванов, за жал, веќе не е меѓу живите, но неговото присуство ќе се почувствува во срцата на навивачите.

Дополнително ќе настапат и познати фудбалери како: Радослав Станев, Елин Топузаков, Гошо Гинчев, Станислав Ангелов, Дончо Донев, Александар Александров, Мартин Камбуров и Валери Божинов.
Тренер на тимот ќе биде големиот Димитр Пенев, со помошник Красимир Борисов.

Фондацијата „Национали 94“ е создадена со цел да го зачува духот на генерацијата од САД ‘94, да им помага на поранешни репрезентативци и деца од социјално ранливи категории кои се занимаваат со фудбал.

Овој натпревар е повеќе од игра – тој е симбол на солидарност, спортски дух и хуманост помеѓу соседите.