Христо Стоичков ги награди финалистите на најголемиот детски фудбалски турнир во Етрополе

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Христо Стоичков ги награди финалистите на најголемиот детски фудбалски турнир во Етрополе

09 април 2025

• од Вардарски

Легендата на бугарскиот фудбал, Христо Стоичков, беше главна ѕвезда на финалето од „Royal Tournament Etropole“ – најмасовниот детски фудбалски турнир што досега се одржал во бугарскиот град Етрополе. Турнирот траеше четири дена и собра над 1.200 деца на возраст од 6 до 12 години, од повеќе региони.

Огромниот интерес предизвика недостаток на сместувачки капацитети, па дел од учесниците беа сместени и во околните градови – Правец, Ботевград и Тетевен. Во текот на турнирот беа одиграни вкупно 234 натпревари, а младите фудбалери добија силна поддршка од трибините, кои беа исполнети со родители, навивачи и љубители на спортот.

Круна на настанот беше пристигнувањето на Христо Стоичков, кој лично ги награди финалистите и одвои време да се фотографира со учесниците, да сподели совети, како и да потпише автограми. Неговото присуство беше дочекано со воодушевување и беше инспирација за многу од младите фудбалери.

„Навистина уникатен турнир, со неверојатна организација и атмосфера. Етрополе се покажа како исклучителен домаќин,“ истакна Стоичков, упатувајќи благодарност до Општина Етрополе и градоначалникот инж. Владимир Александров за поддршката.

Градоначалникот Александров, пак, изјави дека турнирот претставува најголем спортски настан што некогаш се организирал во нивниот град. Тој со гордост рече дека Етрополе доживеало вистински спортски подем, а интересот и позитивната енергија што ги донесоа децата и нивните семејства е поттик за уште поголеми вложувања во спортот.