Лазаров: Разочаран сум од толку промашувања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Лазаров: Разочаран сум од толку промашувања

07 септември 2025

• од Станча Јаќимовски

Ракометарите на Алкалоид ја завршија европската авантура уште во елиминациската фаза на квалификациите за Лигата на Европа. Македонскиот претставник и во реваншот беше поразен од силниот Хановер со 29:28 и со тоа останува целосно фокусиран на домашните натпреварувања.

Девет промашувања од шест метри

По натпреварот, тренерот Кирил Лазаров не го криеше разочарувањето:
„Честитки за Хановер, заслужено победија. Разочаран сум бидејќи на двата натпревара промашивме вкупно девет удари од шест метри. Со ваква статистика невозможно е да се совлада екипа што игра во Бундеслигата. Знаевме дека Хановер е поквалитетен тим, но ова е премногу. Тоа е противник кој победува екипи како Магдебург или Фуксе Берлин, што доволно кажува за нивната сила,“ изјави Лазаров.

Жестока борба и спортска коректност

Натпреварот беше жесток и неизвесен, а како што нагласи и тренерот на гостите Кристијан Прокоп, целта на Хановер била да слави на двата дуела – цел која целосно ја остварија.

Капитенот на Алкалоид, Игор Ѓоргиев, искажа спортска коректност:
„Сакам да им честитам на Хановер за победата и да им посакам среќа во групната фаза на ЕХФ Европската лига. За жал, за нас европската авантура завршува тука и нашиот фокус ќе биде насочен кон домашните натпреварувања.“

Симболика пред почетокот

Пред почетокот на мечот Алкалоид – Хановер, на македонскиот тим свечено му беше предаден пехарот од ЕХФ за освоениот Европски куп во минатата сезона – потсетник на големиот успех кој останува инспирација за следните предизвици.