Саше Политико: Нè научија да ги мразиме Бугарите, а не знаеме колку е убава Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Саше Политико: Нè научија да ги мразиме Бугарите, а не знаеме колку е убава Бугарија

06 март 2026

• од Станча Јаќимовски

Во подкастот „Почетна Пресметка“, новинарот Саше Ивановски, познат во јавноста како Саше Политико, отвори тема што ретко се обработува без предрасуди – односот на Македонците кон Бугарија и Бугарите. Според него, негативната перцепција не е случајна, туку резултат на долгорочно медиумско и културно влијание.

„И после се чудат зошто ние сме ги мразеле Бугарите. Па така нè научија – од Белград“, изјави Ивановски, алудирајќи на влијанието што српската медиумска и културна сцена го имала врз македонската јавност со децении.

Вицеви, филмови и медиумска едностраност

Ивановски посочи дека стереотипите за Бугарите најчесто се пренесувале преку вицеви, филмови и медиуми. „Сè уште раскажуваме вицеви на сметка на Бугарија, дека биле вакви, биле такви. Тоа е масло на медиумите и филмовите“, рече тој.

Според него, културната размена е очигледно нерамноправна. Додека македонската публика е добро запознаена со српската кинематографија, бугарската продукција речиси и да не е присутна.

„Дали знаете дека ние немаме видено ниту еден бугарски филм во Македонија, а сите српски филмови ги знаеме?“, праша Ивановски, потенцирајќи дека ваквата културна диспропорција директно влијае врз перцепцијата.

Пловдив – „малтене како Рим“

Во своето излагање, Ивановски сподели и лично искуство од честите патувања во Бугарија. Особено го издвојува Пловдив, кој го опиша како „малтене како Рим – убав град“.

„Ако му кажете на некој Македонец дека сте биле во Пловдив и дека е прекрасен град, тој не ни знае каде е тоа“, рече тој, додавајќи дека многумина во Македонија немаат реална претстава за убавините и културното богатство на источниот сосед.

Тој постави и прашање до медиумите: „Зошто нема репортажа од Пловдив? Зошто нема прилози за тие градови?“

Банско – преполно со Македонци за Нова година

Како пример за контрадикторноста во односот, Ивановски го спомена и зимскиот центар Банско, кој, според него, е преполн со македонски туристи, особено за новогодишните празници.

„Бев точно за Нова година – Банско беше преполно со Македонци“, изјави тој, укажувајќи дека, и покрај честите патувања, познавањето на бугарската историја и култура кај македонските граѓани е ограничено.

„Славна и голема држава“

Во разговорот, Ивановски нагласи дека Бугарија има богата и значајна историја, но дека во Македонија таа ретко се презентира објективно и во целост.

„Многу луѓе не знаат за историјата на Бугарија – колку е таа славна, колку е тоа голема и убава држава“, рече тој.

Неговата поента е дека перцепцијата за соседната земја е формирана повеќе врз основа на политички и медиумски наративи, отколку врз лично искуство или културна запознаеност.

Повикување на преиспитување

Со своите ставови во „Почетна Пресметка“, Саше Ивановски отвори простор за поширока дебата за тоа како медиумите, културата и историските влијанија ја обликуваат јавната свест. Неговата порака е јасна – предрасудите често се научени, а не стекнати преку лично искуство.

Во време кога регионалните односи се чувствителна тема, ваквите изјави поттикнуваат прашање: дали е време за поинаков пристап и поголема културна размена меѓу соседите?