Јотова: Бугарија е безбедна туристичка дестинација и нема директни закани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Јотова: Бугарија е безбедна туристичка дестинација и нема директни закани

04 август 2026

• од Гоце Кически

Бугарската претседателка Илијана Јотова изјави дека Бугарија останува една од најбезбедните туристички дестинации во Европа и дека нема директни закани за посетителите поврзани со конфликтите во Европа и на Блискиот Исток.

Таа нагласи дека туристите кои ја избираат земјата за одмор или културен туризам можат да се чувствуваат безбедно, додавајќи дека Бугарија располага и со едни од најсигурните надворешни граници во Европската Унија.

Според Јотова, намалениот број туристи оваа сезона не е последица на безбедносни ризици, туку на откажани авионски летови поради кризата на Блискиот Исток. Таа оцени дека на Бугарија ѝ недостига поефикасна меѓународна туристичка промоција, која покрај природните убавини ќе ги претстави и богатата историја, култура и археолошко наследство на земјата.

Изјавата Јотова ја даде за време на посетата на археолошкиот комплекс Перперикон, каде беше претставен масивен камен саркофаг откриен во доцноримски мавзолеј. Таа истакна дека Перперикон е единствен локалитет во Европа, бидејќи на едно место може да се следат околу седум илјади години историја и развојот на повеќе цивилизации.

Осврнувајќи се и на миграциската криза во шпанската енклава Сеута, Јотова оцени дека Европската Унија треба да ја преиспита својата миграциска политика. Според неа, земјите кои ги штитат надворешните граници на ЕУ, меѓу кои е и Бугарија, треба поактивно да се заложат за промени во европскиот пристап кон миграцијата.