ЕУ го активира Фондот „Скејлап Европа“ за поддршка на технолошки компании

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ го активира Фондот „Скејлап Европа“ за поддршка на технолошки компании

04 август 2026

• од Стефан Николов

Европската комисија ги заврши сите правни процедури за формирање на Фондот „Скејлап Европа“, кој во наредните недели ќе започне со првите инвестиции во европски компании со висок потенцијал за раст. Целта е фондот да достигне вредност од пет милијарди евра и да им помогне на европските фирми полесно да се натпреваруваат на светскиот пазар.

Претседателката на Европската комисија, Урсула фон дер Лајен, изјави дека инвестициите во иновативни компании се инвестиции во иднината на Европа и дека новиот фонд ќе им овозможи на најперспективните европски претпријатија да се развиваат без да бараат капитал надвор од континентот.

Со фондот ќе управува инвестициската компанија „ЕКТ“, која е избрана преку јавна и конкурентна постапка. Таа ќе носи независни инвестициски одлуки според пазарни услови.

Средствата ќе бидат насочени кон компании што развиваат вештачка интелигенција, квантни технологии, биотехнологија и чисти технологии. Во фондот учествуваат Европската комисија, како и повеќе големи европски инвеститори и финансиски институции, а собирањето дополнителен капитал ќе продолжи сè до достигнување на целната вредност од пет милијарди евра.

Фондот беше најавен во 2025 година како дел од напорите на Европската Унија да спречи најуспешните европски технолошки компании да се преселуваат во странство поради недостиг на големи инвестиции. Иницијативата е поддржана преку програмата „Хоризонт Европа“, најголемата програма на ЕУ за истражување и иновации.