Mакедонските граѓани со бугарско државјанство можат бесплатно да користат ЕЗОК во 30 европски земји

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Mакедонските граѓани со бугарско државјанство можат бесплатно да користат ЕЗОК во 30 европски земји

04 август 2026

• од Тодор Вангелов

Македонските државјани кои покрај македонско имаат и бугарско државјанство, а во Бугарија имаат важечко здравствено осигурување, можат бесплатно да извадат Европска картичка за здравствено осигурување (ЕЗОК). Со неа добиваат пристап до итна и неодложна медицинска помош за време на привремен престој во 30 европски држави.

Картичката важи во сите 27 земји-членки на Европската Унија, како и во Исланд, Лихтенштајн, Норвешка и Швајцарија. Според билатерални договори, бугарската ЕЗОК се признава и во Србија и во Македонија под одредени услови.

Со ЕЗОК, осигурениците имаат право на државно финансирана здравствена заштита под истите услови како и осигурениците во земјата каде престојуваат. Тоа вклучува лекување при ненадејно заболување, влошување на хронични болести, како и неопходна медицинска грижа поврзана со бременост и породување.

Од бугарскиот Национален фонд за здравствено осигурување потсетуваат дека картичката не е замена за патничко осигурување. Таа не покрива лекување во приватни здравствени установи, медицински превоз назад во Бугарија, изгубен багаж или патувања чија единствена цел е лекување. Во некои земји пациентите може да треба да платат партиципација или дел од трошоците за здравствените услуги.

Право на ЕЗОК имаат сите бугарски државјани со непрекинати права од здравственото осигурување. Тоа значи дека не е доволно само да се поседува бугарско државјанство, туку лицето мора да има активен статус на здравствено осигуреник во Бугарија. Картичката е лична и секој член на семејството, вклучително и децата, треба да има сопствена.

Важноста на картичката зависи од категоријата на носителот. За полнолетните лица се издава на една година, за старосните пензионери на десет години, за инвалидските пензионери до истекот на решението за инвалидност, а за децата до наполнети 18 години, но најмалку една и најмногу пет години.

За македонските граѓани кои немаат бугарско државјанство, важно е да се напомене дека тие и понатаму имаат право на бесплатна итна и неодложна здравствена помош при привремен престој во Бугарија, согласно билатералниот договор меѓу Македонија и Бугарија. Сепак, тоа право е поограничено од придобивките што ги обезбедува Европската картичка за здравствено осигурување, која овозможува користење здравствени услуги и во останатите земји опфатени со системот на ЕЗОК.