Македонскиот фудбал на дното: Навреди, закани и срам во Арачиново

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Македонскиот фудбал на дното: Навреди, закани и срам во Арачиново – Охрид понижуван како на селски турнир

01 септември 2025

• од Станча Јаќимовски

Фудбалот во Македонија повторно го покажа своето најцрно лице. Наместо спорт и фер-плеј, во саботата во Арачиново видовме хаос, навреди, закани и сцени што наликуваат на некоја третокласна улична забава, а не на официјален натпревар во Втората македонска лига.

ФК Охрид, кој гостуваше кај Шкендија Арачиново, доживеа пораз со 2-1, но резултатот падна во втор план. Она што останува како горчлив впечаток е целосниот распад на организацијата и деградацијата на спортот, пред очите на делегати и судии кои молчеа и гледаа како натпреварот се претвора во циркус.

Навреди и закани наместо спорт

Веднаш по водството на охриѓани во петтата минута, „гостопримството“ исчезна. Од трибини и од теренот, каде шетаа разни цивили без никаква функција, се слушаа навреди и закани. Тренерот на Охрид беше опколен од неидентификувани лица кои буквално го загрозуваа неговата безбедност. Делегатот? Нем и без реакција.

Играчите – жртви на хаос и понижување

Судијата Стојанов и неговите помошници наместо да внесат ред, само ја зголемија срамот. Се играше буквално со една топка, а кога охриѓани реагираа – добија одговор: „играјте и ќутете“. Фудбалери беа изложени на пиротехника и предмети фрлани од публиката. Играчот Гоце Толески, по добиениот црвен картон, беше исфрлен од обезбедувањето како криминалец, без право да се пресоблече.

Селски турнир наместо лига

„Ова беше селски фудбал“, велат од Охрид, и со право. Организацијата беше под нивото на третата лига, а атмосферата наликуваше на натпревар од пред неколку децении, кога спортот служеше само за пресметки и навреди.

Македонија без надеж за спорт

И додека властите и федерацијата молчат, играчите и клубовите тонеат во безредие. Ова не е изолиран инцидент, ова е огледало на македонскиот спорт – заробен од насилство, корупција и незаинтересираност.

Со вакви услови, македонскиот фудбал нема иднина. Наместо напредок, чекориме наназад – неколку децении назад, кон темни времиња на хаос и беззаконие.