Наместо гордост, понижување: Штип празнува јубилеј на клуб со окупаторско потекло

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Наместо гордост, понижување: Штип празнува јубилеј на клуб со окупаторско потекло

28 август 2025

• од Станча Јаќимовски

Штип се подготвува за настан кој наместо гордост, буди длабока тага и чувство на историско понижување. Во септември, фудбалскиот клуб “Брегалница” ќе одбележи годишнина од своето формирање – и тоа со гостување на белградска Црвена Звезда, најсилниот симбол на српскиот спортски и политички национализам.

Корени во окупација

Потсетување: “Брегалница” не е случајна творба на ентузијасти, туку производ на српскиот воен режим. Во 1921 година, 23-от пешадиски полк стациониран во Штип броел над 1200 војници и офицери, и имал за цел не спорт, туку наметнување на српската национална свест. Токму затоа, клубот е именуван според Брегалничката битка од 1913 година – во која српската армија извојува победа врз бугарската и со тоа ја зацврсти таканаречената “ослободителна” улога врз Македонија.

Првиот натпревар на “Брегалница” не бил во духот на слободата или спортот, туку на воениот српски терен во Штип – јасна потврда дека фудбалот бил само алатка за легитимирање на окупацијата.

Денес – празнување на срамот

И денес, цели 100 години подоцна, наместо разобличување и историска свест, гледаме повторување на истата понижувачка симболика. Наместо критички осврт кон минатото, настанот во септември ќе го покаже Штип како град што ја слави сопствената окупација.

Доаѓањето на Црвена Звезда не е обично спортско гостување. Тоа е порака дека духот на понижувањето и асимилацијата сè уште живее. Дел од штипската јавност, заведена од спектаклот, ќе аплаудира на настан кој всушност симболизира дека клубот е создаден како дел од српската политичка агенда.

Очај наместо надеж

Штип и Македонија се исправени пред мрачна реалност – дека историјата не само што не е научена, туку се претвора во празник. Наместо сеќавање на болката, наместо осуда на окупаторските политики, ние ќе гледаме како еден дел од нашето општество се радува на јубилеј што треба да биде белег на траума.

Ова не е само спорт. Ова е предупредување дека народот кој заборава и го слави сопственото ропство, е осуден повторно да биде жртва.

Овој став е објавен од Тони Коцев од Штип на неговиот Фејсбук профил.