Ѓоко Хаџиевски: Со срце и душа за хуманоста – благодарност до Ицо Стоичков, Варна и Бугарија!
На хуманитарниот натпревар организиран во Варна од фондацијата на бугарската фудбалска легенда Христо Стоичков, поранешниот македонски селектор и фудбалски тренер Ѓоко Хаџиески упати искрени зборови на благодарност и пофалби.
„Ицо, немам зборови со кои можам да се заблагодарам за вашиот гест. Не само што сте први со иницијативата за хуманитарен натпревар преку вашата фондација, туку и за моментот, за емоцијата и за односот што го покажавте. Сите ние, целата екипа што дојдовме тука, сме длабоко трогнати. Верувајте, збор по збор ќе го пренесеме сето ова искуство во Македонија,“ изјави Хаџиески видно емотивно по натпреварот.
Хаџиески не пропушти да истакне и колку е импресиониран од гостопримството и организацијата во Бугарија:
„Бугарија треба да биде горда што има ваков човек како Стоичков. Ова што го видовме тука – срце, љубов и грижа за хуманоста – е пример за сите нас. Варна не пречека како дома, а Бугарија уште еднаш покажа дека е земја со големо срце и вистински спортски дух.“
Настанот во Варна беше повеќе од спортски спектакл – беше вистинска лекција за човечност и солидарност, што остави силен впечаток врз сите учесници.