По бугарското финале во Њујорк: Иванов и Василев број 1 и број 2 во светот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

По бугарското финале во Њујорк: Иванов и Василев број 1 и број 2 во светот

09 септември 2025

• од Станча Јаќимовски

Бугарија има нова причина за гордост благодарение на своите млади тенис таленти. Откако Иван Иванов и Александар Василев се сретнаа во финалето на US Open – титулата заврши во рацете на Иванов – двајцата бугарски јуниори се најдоа на првите две места на светската ранг-листа.

Доминацијата на Иванов

Само 16-годишен, Иванов останува лидер на табелата, што и не е големо изненадување. Тој освои втор последователен грен-слем трофеј по триумфот на „Вимблдон“. Варненецот е во неверојатна серија од 12 победи по ред на најголемите турнири, а претходно стигна и до полуфинале на „Ролан Гарос“. Со тоа, во последните 17 меча на грен-слем турнирите, Иванов запиша 16 победи.

Василев до врвот

Од денес, Иванов повеќе не е осамен на врвот – до него е неговиот сонародник. Александар Василев, кој го започна US Open како седми на светската ранг-листа, по феноменалниот настап во Њујорк се искачи на втората позиција. 18-годишниот тенисер има силна сезона со полуфинале во сингл и четвртфинале во двојки на „Вимблдон“, како и пласман во Топ 8 на „Ролан Гарос“.

Други бугарски таленти

Во светската стотка кај јуниорите се наоѓа и Димитар Кисимов (бр. 87). Кај девојките, Бугарија има три претставнички во првата педесетка: Елизара Јанева (18), Росица Денчева (43) и Јоана Константинова (50).

Фокус на Купот „Дејвис“

Овој викенд Иванов и Василев ќе го носат националниот дрес на Бугарија во Купот „Дејвис“. Натпреварите ќе се одржат во Пловдив, каде домаќин ќе биде клубот „Локомотив“. Ривал е Финска, а покрај двајцата млади ѕвезди, во составот се и Пјотар Нестеров, Александар Донски и Јанаки Милев.
Дуелите започнуваат во сабота од 12:00 часот и во недела од 11:00 часот, со слободен влез за сите љубители на тенисот.