Шкупи во одбрана на насилниците: Родителите што тепаа деца

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Шкупи во одбрана на насилниците: Родителите што тепаа деца – ‘само ги бранеа своите’!

24 август 2025

• од Станча Јаќимовски

Фудбалскиот клуб Шкупи излезе со соопштение по инцидентот на младинскиот натпревар во Штип, каде родител физички нападна млади играчи на Брегалница. Според клубот од Чаир, родителите не реагирале со намера да нападнат, туку единствено за да ги заштитат своите деца од можната ескалација на ситуацијата.

Обвинувања кон медиумите и повикување на фер-плеј

Од Шкупи обвинија дел од македонските медиуми за, како што велат, „неточни прикажувања и клевети“, тврдејќи дека јавноста не ја добила целосната слика. Клубот потенцира дека со години вложува во воспитно-спортски развој на младите и редовно организира предавања за фер-плеј, почит и коректност.

„Фудбалот нема и не смее да има место за насилство. Нашата интервенција беше исклучиво за да се спречи понатамошна ескалација. Со ФК Брегалница имаме добри односи и се надеваме вакви инциденти никогаш повеќе да не се повторат“, се наведува во соопштението на Шкупи.

Што се случи на натпреварот

Инцидентот се случи на младински натпревар во Штип, каде според официјалниот извештај на МВР и снимките од теренот, родител на млад играч на Шкупи брутално нападнал фудбалери на Брегалница. Две деца се повредени, од кои едното се здобило со потешки повреди.

Министерството за внатрешни работи потврди дека е уапсен 43-годишниот А.А., кој ги нападнал малолетниците. Тие веднаш биле пренесени во Клиничката болница во Штип за укажување медицинска помош.

Реакции и најави за санкции

Фудбалската федерација на Македонија остро го осуди скандалот и најави дека ќе следуваат строги санкции за сите инволвирани во немилиот настан.

Од Шкупи, пак, нагласуваат дека ќе продолжат да работат на зајакнување на спортскиот и воспитниот аспект кај децата и дека нивната мисија останува промоција на фудбалот како игра која „обединува, а не разделува“.