Синот на Биљал Касами не бил повикан за македонската младинска репрезентација – селекторите оцениле дека нема доволен квалитет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Синот на Биљал Касами не бил повикан за македонската младинска репрезентација – селекторите оцениле дека нема доволен квалитет

09 октомври 2025

• од Станча Јаќимовски

По објавата на тетовскиот градоначалник Биљал Касами дека неговиот син, Лавдрим Касами, ќе настапува за фудбалската репрезентација на Албанија до 19 години, „360 степени“ побара одговор од Фудбалската федерација на Македонија (ФФМ) дали младиот фудбалер некогаш бил повикан да игра за македонската младинска репрезентација.

Од ФФМ одговорија дека Лавдрим Касами никогаш не добил покана за настап во младинските селекции на Македонија.

„Нема ниту повик, ниту настап. Селекторите одлучиле дека нема квалитет. Никој не смее да се меша во изборот на селекторите,“ изјави портпаролот на ФФМ, Златко Андоновски.

Според информациите од федерацијата, актуелен селектор на младинската репрезентација е Ерхан Селими, кој воедно е и тренер и координатор во ФК „Шкендија“ од Тетово — клубот за кој настапува Лавдрим Касами.

Од ФФМ дополнително појаснија дека младиот Касами мора да поседува албанско државјанство за да може да настапува за албанската репрезентација, со што неговиот повик во тимот на Албанија до 19 години е во согласност со правилата на ФИФА.

Биљал Касами, кој моментално ја извршува функцијата градоначалник на Тетово, на својот профил на Фејсбук објави дека неговиот син ќе настапува за Албанија во пријателските натпревари против Ирска. Лавдрим е дел од редовите на „Шкендија“, клуб кој последниве години е еден од најуспешните во македонскиот фудбал.

Во политички контекст, Касами повторно ќе се кандидира за градоначалник на претстојните локални избори закажани за 19 октомври, како кандидат на коалицијата ВЛЕН, барајќи втор мандат од тетовчани.