Тетовска драма: Победа за Шкендија, срам за навивачите!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Тетовска драма: Победа за Шкендија, срам за навивачите!

01 април 2025

• од Вардарски

Изминатото коло во Првата македонска фудбалска лига донесе многу возбудувања, пресврти и – за жал – еден непријатен инцидент кој го фрли фокусот од фудбалот.

Колото започна со голем триумф на Вардар, кој славеше на гостувањето кај Пелистер во Битола, продолжи со неизвесни мечеви низ целата земја, а заврши во Тетово, каде што мечот меѓу Шкендија и Брера Струмица беше засенет од несоодветното однесување на дел од домашните навивачи. Балистите свиркаа за време на минутата молк во чест на жртвите од трагедијата во Кочани – гест кој предизвика силни реакции. Клубот Шкендија веднаш се огради од нивното однесување и упати осуда, но јавноста остана потресена.

На спортски план, Шкендија славеше со 2:1 против Брера и со тоа остана лидер на табелата со 53 поени. Зад нив, на четири бодови разлика, се наоѓа Силекс од Кратово, кој дома ремизираше 1:1 со Тиквеш Кавадарци. Работнички продолжува со добрата форма и со победата од 1:0 против Беса Добридол го зацврсти третото место.

Гостивар, пак, влезе во сериозна криза – беа поразени дома од Воска Спорт со 0:2 и сега се без победа четири кола по ред. Иако се четврти на табелата со 44 поени, формата е алармантна.

На дното, Брера Струмица останува последна, без ниту една победа во 2025 година и со реална опасност од испаѓање. Беса е претпоследна со 22 поени, но покажува знаци на подобрување. Воска од Охрид, Тиквеш и Вардар се веднаш над нив и сите се вклучени во борбата за опстанок. Вардар, кој има серија од седум натпревари без пораз, моментално е осми и полека ја обезбедува својата позиција во елитата.

Она што е особено интересно е што само четири поени ја делат последната од осмата позиција – што значи дека секое коло може да донесе нов пресврт во долниот дел на табелата.