Трагедија во Белград: Поранешен ракометар на Вардар загина во експлозија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Трагедија во Белград: Поранешен ракометар на Вардар загина во експлозија

08 октомври 2025

• од Станча Јаќимовски

Српските власти потврдија дека во експлозијата што се случи на улицата „Косовска“ во Белград, животот го загубил македонскиот државјанин Мартин Сипковски, поранешен ракометар на клубот Вардар 1961.

Според информациите од белградската полиција, Сипковски трагично настрадал на 1 октомври околу 21:45 часот, откако сам го активирал експлозивот што го носел со себе. Истражните органи утврдуваат како дошло до инцидентот и под кои околности експлозивот бил набавен.

Уапсен осомничен за набавка на експлозивот

Полицијата го уапси 26-годишниот Филип В., кој се сомничи дека неовластено го набавил експлозивот што, според првичните информации, бил наменет за еден од водачите на навивачка група. Засега не е познато зошто Сипковски се нашол во тие кругови.

Од спорт до манекенство

Мартин Сипковски имал 21 година и зад себе носел спортска и модна кариера. Тој беше дел од младинските категории на РК Вардар, но поради серија повреди бил принуден да ја прекине спортската кариера. Потоа се насочил кон манекенството, каде што успеал да се етаблира како модел, особено на пазарот во Турција, каде што започнал да гради нова кариера и живот.

Според изјави на негови блиски, Сипковски немал никакво криминално досие, ниту пак бил поврзан со опасни кругови. Пријатели сведочат дека бил посветен на модата и дека планирал нови професионални ангажмани.

Семејна трагедија

Трагично загинатиот Мартин е син на Дејан Сипковски, еден од најдобрите билијард играчи во Македонија, кој со своите успеси оставил длабока трага во спортот. Веста за смртта на неговиот син ја потресе спортската и јавната сцена и предизвика бројни реакции на жалост и поддршка до семејството.