Јуниорите немоќни во финишот – Бугарија ја однесе победата и ја прати Македонија во Б-дивизија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Јуниорите немоќни во финишот – Бугарија ја однесе победата и ја прати Македонија во Б-дивизија

04 август 2025

• од Станча Јаќимовски

Македонската кошаркарска репрезентација до 18 години со болен пораз од 87-90 против Бугарија го заврши настапот на Европското првенство и се прости од елитното друштво – А-дивизијата. Мечот кој носеше опстанок беше вистинска драма до последните секунди, но на крајот пресуди психолошкиот пад во клучниот момент од натпреварот.

Избраниците на Горан Андреевски влегоа мотивирано и добро ја отворија првата четвртина, поведувајќи со 24-17, но дозволија Бугарите да се вратат во ритам и периодот заврши со само +3 (25-22). Во втората четвртина македонските надежи повторно поведоа со 39-30, но следуваше нов пад во концентрацијата, кој ривалот го искористи и на полувреме замина со водство од 41-44.

Третата четвртина донесе динамична и неизвесна кошарка. Бугарија поведе со +7 (47-54), но нашите млади кошаркари се вратија во игра и пред последниот период имаа само еден поен негатива (66-67). Македонија двапати минимално водеше, последен пат со 70-69, по што следуваше кобна „црна дупка“ и серија на Бугарите од 0-17. Со резултат 70-86 се чинеше дека сè е готово, но Андреевски ги разбуди своите играчи, кои возвратија со серија од 14-0 и стигнаа до 84-86.

Сепак, еден момент ја одлучи судбината – Ивајло Скрински погоди невозможна тројка од десет метри на истекот на нападот и ја врати предноста на +5 за Бугарија. Иако имаше уште обиди и драма во последната минута, македонската селекција не успеа да се избори за продолжение или целосен пресврт.

Најефикасен во нашиот состав беше Дарјан Димовски со 29 поени, блеснаа и Никола Јаничиќ со 19 и Дамјан Данев со 18. Кај Бугарија, херојот Скрински заврши со 20 поени.

Македонија го заврши првенството на 14. позиција и следната година ќе се натпреварува во Б-дивизијата.