Воска Спорт најави можност за повлекување од Првата лига поради „неправдите“ на мечот со Вардар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Воска Спорт најави можност за повлекување од Првата лига поради „неправдите“ на мечот со Вардар

21 април 2025

• од Вардарски

Во вистински спортски скандал се претвори натпреварот меѓу Воска Спорт и Вардар, откако охридскиот клуб реши да го напушти теренот во второто полувреме, незадоволен од судиските одлуки. Мечот, кој беше прекинат при резултат 1-1, согласно правилникот ќе биде регистриран со службени 0-3 во корист на Вардар.

Од Воска Спорт веднаш по натпреварот објавија видео-материјал со спорни моменти, тврдејќи дека биле грубо оштетени од арбитражата. Во објавата на клубот се споменуваат „двојни стандарди“ и се посочува на неколку контроверзни ситуации што, според нив, ја нарушиле регуларноста на натпреварот.

Клубот ги набројува спорните моменти:

Поништен регуларен гол – Според Воска, нивен играч постигнал чист погодок кој бил поништен без основана причина.
Идентична ситуација на другата страна – Играч на Вардар ја играл топката со рака, но судијата не реагирал.
Недосуден пенал – Фаул над играч на Воска во шеснаесетникот, кој останал без санкција.
Гол кој не бил гол – Топката, како што тврдат од клубот, не ја преминала гол-линијата, но сепак бил досуден погодок за Вардар.

Клубот посочува дека овие моменти не се изолирани случаи, туку дел од поширок тренд на, како што велат, „еднострани судиски одлуки“ кои негативно влијаат на интегритетот на првенството. Воска најавува дека сериозно размислува да се повлече од ПМФЛ, а конечната одлука ќе биде донесена во наредните денови од страна на управата.

Состојбата на табелата

Во моментов, Воска Спорт се наоѓа на последното место на табелата со 22 освоени бода, што дополнително ја отежнува нивната борба за опстанок. Потенцијалното повлекување од лигата би било сериозен удар за македонскиот фудбал и би отвори нови прашања за транспарентноста и квалитетот на судењето во највисокото домашно натпреварување.

Фудбалската федерација на Македонија и судиската комисија допрва треба да се изјаснат за спорниот натпревар и наводите на Воска. Ситуацијата останува напната, а љубителите на фудбалот со внимание ќе го следат исходот на овој случај.