100-годишен Евреин ѝ се заблагодари на Бугарија за спасувањето на Евреите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

100-годишен Евреин ѝ се заблагодари на Бугарија за спасувањето на Евреите

04 јули 2025

• од Станча Јаќимовски

Наврши 100 години живот, но и покрај тежките лични трагедии, Хаим Ешкенази останува благодарен и посветен на своето бугарско потекло. Овој Евреин, роден во Бугарија, кој повеќе од седум децении живее во Израел, чудесно преживеа ракетен напад врз неговиот дом во Тел Авив, извршен од Иран пред две недели. Во истиот напад трагично ја загуби својата сопруга Бела, која имаше 94 години и исто така беше со бугарско потекло.

„Како падна бомбата врз зградата и ја сруши цела. Десеткатна зграда! Се сеќавам... Падна цел ѕид врз нашите глави и силниот шум“, раскажува стогодишниот Хаим за моментот на трагедијата.

Синот на Хаим и Бела, Гили, бил сведок на ужасот:
„Со татко ми бевме заглавени меѓу ѕидовите околу 40 минути. Никогаш нема да го заборавам моментот кога мајка ми падна при ударот и ми исчезна од видокругот“, вели тој.

Хаим и Бела долги години ја негувале и одржувале бугарската заедница во Тел Авив, преку клубот „Мерец“, кој тие самите го основале. Таму се собирале луѓе кои ја носат Бугарија во срцето, пеејќи песни како „Кажи ми, облаче ле бяло“ и одржувајќи ја живата врската со своите корени. „Тие луѓе ми даваа храна — пред сè духовна, па потоа и вистинска“, раскажува Вивиан Рајхова, Бугарка што живее во Израел.

Иако ја напуштил Бугарија на 24-годишна возраст, Хаим никогаш не го заборавил бугарскиот јазик ниту земјата што ја смета за своја духовна татковина. „Бугарија ги спаси моите Евреи. Единствената земја во светот“, изјави тој со искрена благодарност.

На својот 100-ти роденден, единствениот миг во кој му се појавила насмевка на лицето бил кога му посакале повторно да ја посети Бугарија.