27-годишен фудбалер на македонскиот клуб Рокдејл Илинден меѓу жртвите во терористичкиот напад во Сиднеј

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

27-годишен фудбалер на македонскиот клуб Рокдејл Илинден меѓу жртвите во терористичкиот напад во Сиднеј

15 декември 2025

• од Станча Јаќимовски

Терористички напад со трагични последици се случи на плажата Бонди во Сиднеј, каде што татко и син извршиле вооружен напад во кој животот го загубија најмалку 16 лица, а околу 40 се повредени.

Меѓу загинатите е и 27-годишниот Ден Елкајам, фудбалер на македонскиот фудбалски клуб Рокдејл Илинден, кој настапува во Австралија. Веста ја потврди самиот клуб преку официјално соопштение.

„Со екстремен шок и длабока тага соопштуваме дека нашиот фудбалер, Ден Елкајам, беше жртва на страшните, трагични и бесчувствителни настани што се случија на плажата Бонди во недела, на 14 декември 2025 година. Ден беше интегрален член на нашиот тим, исклучително талентиран фудбалер и многу популарна личност меѓу соиграчите. Нашето најдлабоко сочувство е со семејството на Ден, неговите пријатели и сите кои го познаваа. Ќе ни недостасува. Нека почива во мир“, се наведува во соопштението на Рокдејл Илинден.

Нападот се случил за време на јавен настан организиран по повод првиот ден од еврејскиот празник Ханука, што дополнително ја зголемува тежината на трагедијата.

Австралиските власти официјално го прогласија инцидентот за терористички напад, а истрагата за мотивите и околностите сè уште е во тек.

Трагичната смрт на Ден Елкајам претставува голема загуба не само за неговото семејство и пријателите, туку и за македонската спортска заедница во Австралија.