„Ако не можам да се оженам за тебе, ќе станам свештеник“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

„Ако не можам да се оженам за тебе, ќе станам свештеник“ – Големата љубов на папата Франциск

23 април 2025

• од Гоце Кически

По смртта на папата Франциск, светот дозна за една мала, но длабоко човечка приказна што ја открива неговата ранлива страна – првата љубов. Хорхе Марио Берголио, како што беше вистинското име на папата Франциск, почина во понеделникот од мозочен удар и неповратна срцево-садова слабост, по неколкунеделни здравствени компликации. Неговата смрт беше причина да се потсетиме не само на неговото духовно наследство, туку и на моменти од неговата младост кои ретко беа дел од јавноста.

Во фокусот на оваа нераскажана приказна е Амелиjа Дамонте – аргентинка, соседка и другарка од детството на младиот Хорхе во Буенос Аирес. Тие имале само 12 години кога започнала нивната блискост. Иако детска, оваа љубов оставила длабок белег во срцето на идниот папа. Според сведоштвата на Амелиjа, токму таа му рекла „не“ на понудата за брак, по што тој и рекол: „Ако не можам да се оженам за тебе, ќе станам свештеник.“

„Имавме убаво време – танцувавме, игравме по парковите, се грижевме за сиромашните. Во тоа бевме сродни души“, се сеќава со нежност Амелиjа. Но, нејзините родители не ја одобрувале врската – дури и ја казнувале затоа што му напишала писмо на младиот Хорхе. „Татко ми беше многу строг. Ме удри кога дозна за белешката“, раскажува таа.

По овој емоционален удар, Хорхе Берголио влегол во семинарија. Иако подоцна си разменувале писма, патиштата на двајцата трајно се разделиле. Но, Амелиjа никогаш не ја заборавила нежноста на младиот Хорхе – момчето што ја сакаше неа, а потоа го избра Бог.

Оваа приказна нè потсетува дека и најголемите духовни водачи имаат човечки корени, исполнети со љубов, болка и избори што го обликуваат нивниот пат. За папата Франциск, кој целиот живот го посвети на бедните и маргинализираните, оваа млада љубов можеби била првиот облик на тоа длабоко сочувство што подоцна ќе стане негов белег.

Со ова откритие, светот не само што се збогува со еден голем водач, туку и со едно момче со големо срце, кое, кога љубовта не можела да му биде возвратена, ја претворило во вера.