Бегалец со досие, жртви без заштита: Трагичната приказна од Батинци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бегалец со досие, жртви без заштита: Трагичната приказна од Батинци

15 јули 2025

• од Станча Јаќимовски

Муса Џавит, лице со богато криминално досие, е осомничен за бруталното убиство на армиски офицер кое се случи минатата недела во скопското село Батинци. Според информациите на ТВ 24, Џавит по убиството најверојатно избегал од државата, а Министерството за внатрешни работи (МВР) потврди дека против него веќе постои меѓународна потерница распишана уште пред една година – за претходно убиство.

Од МВР изјавуваат дека се во постојана комуникација со полициите на земјите каде што постои сомнеж дека Џавит би можел да се крие. Иако досега двапати смртно застрелал луѓе – лани и годинава – органите на редот сè уште не успеваат да му влезат во трага.

Последниот инцидент, кој ја вознемири јавноста, се случи пред неколку дена пред влезот на Батинци. Џавит со ладнокрвност испукал два куршума во градите на 50-годишниот офицер на Армијата на Република Северна Македонија – додека тој се движел со својата ќерка, која била сведок на трагедијата.

Истрагата покажа дека мотивот за убиството не бил поврзан со криминални пресметки, туку со одбиена љубов. Џавит, според сведочења, се заканувал на ќерката на офицерот, бидејќи таа не сакала да стапи во брак со него. Непосредно пред нападот, ѝ се јавил телефонски и ѝ упатил закани, а само неколку часа подоцна, на патот кон нивниот дом, ги пресретнал со возило, излегол и го извршил убиството.

Муса Џавит минатата година бил ослободен од затвор, каде што издржувал казна за нелегално поседување оружје. Но, само еден месец по излегувањето, извршил убиство кое, според ТВ 24, е дел од серија ликвидации поврзани со скопскиот криминален клан Беланоца. И покрај расветлувањето на дел од тие случаи, Џавит останал на слобода и продолжил да дејствува.

МВР уверува дека неговото апсење е приоритет и оти се преземаат сите неопходни мерки за негово лоцирање и екстрадиција. Во меѓувреме, семејството на убиениот офицер бара правда и одговорност од институциите.