Бојко Борисов: Бугарија мора системски да инвестира во одбраната

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бојко Борисов: Бугарија мора системски да инвестира во одбраната

19 ноември 2025

• од Станча Јаќимовски

Лидерот на ГЕРБ, Бојко Борисов, истакна дека Бугарија треба да продолжи со системски и одговорни инвестиции во своите одбранбени капацитети. За ова разговарал со Гунтер Крихбаум, државен министер за Европа во германското Федерално министерство за надворешни работи, со кого размениле мислења за европските политики во сферата на безбедноста, координацијата меѓу земјите членки и улогата на Бугарија во зајакнувањето на отпорноста на Европската унија. Веста за средбата Борисов ја објави на својот профил на Facebook.

Според него, модернизацијата на бугарската армија и зајакнувањето на нејзината компатибилност со сојузниците се меѓу клучните приоритети на ГЕРБ. Борисов потенцира дека силната и современо опремена одбрана е основа за безбедноста на државата и стабилноста во поширокиот регион.

Во разговорот со Крихбаум, Борисов нагласил дека долготрајниот мир во Украина останува водечки приоритет за Европската унија. Тој посочил дека ЕУ продолжува со доследна поддршка за Украина — од хуманитарна и економска помош до активности насочени кон зајакнување на нејзините одбранбени капацитети и стабилноста во регионот.

„Европа е најсилна кога е обединета. Војната во непосредна близина до нашите граници јасно покажува колку е важно да ги браниме принципите на меѓународното право, да ги поддржуваме државите кои се под директна закана и да работиме на трајни решенија кои ќе ја гарантираат безбедноста на целиот континент“, изјави Борисов.

Лидерот на ГЕРБ дополнил дека членството на Бугарија во Еврозоната претставува стратешка цел која ќе придонесе за подлабока економска и политичка интеграција во рамките на ЕУ. Тој смета дека влезот во Еврозоната ќе донесе поголема финансиска стабилност, ќе го олесни работењето на бизнисите, ќе создаде услови за одржлив економски раст и ќе ја засили позицијата на Бугарија на европската сцена.