26 ноември 2025
• од Станча Јаќимовски
САД веќе не можат да се сметаат за сигурен сојузник на Европската Унија – ова го порача поранешниот висок претставник на ЕУ за надворешна политика и безбедност, Жозеп Борел, во објава на социјалната мрежа X.
Неговата реакција доаѓа по претставувањето на планот на американскиот претседател Доналд Трамп за решавање на конфликтот во Украина.
„Со 28-точковиот план на Трамп за прекин на конфликтот во Украина, САД повеќе не можат да се сметаат за сојузник на Европа“, истакна Борел.
Тој нагласи дека Европската Унија мора да ја признае „значајната промена во американската политика“ и да реагира соодветно на новите околности.
На 21 ноември рускиот претседател Владимир Путин соопшти дека Москва добила 28-точков документ од Вашингтон, кој, според него, може да послужи како основа за „конечно мировно решение“.
Денеска, висок американски службеник изјави дека Украина се согласила со предложеното примирје со Русија и дека остануваат само „незначителни детали“ пред официјализирање на договорот.
Ненадминливи Понуди Дневно
4.8 (10276 рецензии)
Заштедете 152.00 ден

