Бугарија добива 174 милиони евра од Данска за воената помош испорачана на Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија добива 174 милиони евра од Данска за воената помош испорачана на Украина

06 февруари 2025

• од Гоце Кически

Бугарија доби компензација од Данска во вредност од 174 милиони евра за воената опрема и оружјето кои беа испорачани на Украина како дел од помошниот пакет. Ова беше соопштено од Информативниот центар на Министерството за одбрана на Бугарија.

Средствата обезбедени од Данска, според одлуката на Националното собрание на Бугарија, ќе бидат наменети исклучиво за проекти за модернизација на вооружените сили. Оваа финансиска поддршка ќе овозможи зајакнување на одбранбените капацитети на земјата преку инвестиции во нови технологии и модерна воена опрема.

Во декември 2024 година, Бугарија го испрати седмиот пакет одбранбена помош на Украина, кој вклучува различни видови оружје. Како и досега, деталите за содржината на пакетот останаа тајни. Дел од опремата што беше префрлена на Украина се системи произведени во Советскиот Сојуз или во Бугарија за време на социјалистичкиот период.

Во рамките на помошта, испорачани се и сите БТР-60 оклопни транспортери, кои беа вети минатата година и кои потекнуваат од инвентарот на Министерството за внатрешни работи на Бугарија од 1980-тите години. Овие транспортери, како што е објавено, ќе бидат подложени на одржување, поправка и делумна модернизација во Украина.

Во ноември 2023 година, бугарското Национално собрание го ратификуваше меѓувладиниот договор со Киев, со кој се регулираше преносот на 100 декласирани оклопни транспортери на Украина. Овие испораки се реализираа во периодот февруари-март 2024 година.

Воената индустрија на Бугарија, исто така, активно произведува оружје кое е наменето за Украина. Поголемиот дел од произведените системи и муниција се користат од страна на украинските вооружени сили, со што се зголемува нивната ефикасност на терен.

Данската компензација се смета за значаен чекор кон понатамошна соработка меѓу двете земји, истовремено овозможувајќи ѝ на Бугарија да продолжи со своите заложби за воена модернизација и регионална безбедност.