Бугарија ги зголемува платите во универзитетите – најниската академска плата сега е над 1400 евра!
Бугарија направи значителен чекор напред во поддршката на високото образование! Од сега, минималната плата за универзитетски професор на најниска академска позиција во државните факултети ќе изнесува околу 1420 евра (2780 лева), што е зголемување од 135 евра (264 лева), или раст од 10,5%.
Овој позитивен развој е резултат на договор помеѓу бугарскиот министер за образование и двата најголеми синдикати во секторот. Целта е јасна – задржување на квалитетен кадар и подигнување на стандардот во високото образование.
Но тоа не е сè! Зголемени се и платите на вработените кои го поддржуваат научниот и уметничкиот процес на факултетите. Новите нето-плати сега се:
- За вработени со високо образование: околу 1135 евра (2223 лева)
- За вработени со средно образование: околу 910 евра (1780 лева)
Владата на Бугарија дополнително одобри повеќе средства за поддршка на студентите, базирано на квалитетот на образованието и реалната вработливост по дипломирањето. Со ова, се гарантира и законската обврска – просечната плата на универзитетскиот кадар да биде барем 180% од просечната плата во земјата.