Бугарија и Кина ќе соработуваат за воспоставување директна авионска линија Пекинг

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија и Кина ќе соработуваат за воспоставување директна авионска линија Пекинг – Софија

24 мај 2025

• од Вардарски

Бугарија и Кина изразија подготвеност за активна соработка во насока на воспоставување директна авионска линија меѓу Пекинг и Софија, со цел унапредување на врските меѓу двете земји. Ова прашање повторно беше ставено на дневен ред за време на официјалната посета на бугарската владина делегација, предводена од вицепремиерот Атанас Зафиров, во Народна Република Кина.

Во делегацијата учествуваа и министерот за животна средина и води Манол Генов, како и бугарскиот амбасадор во Пекинг, Андреј Техов. Тие остварија средба со гувернерот на кинеската провинција Џеџианг, Лиу Џие. Средбата се одржа по свеченото отворање на Канцеларијата за врски на Центарот за промоција на соработката во земјоделството меѓу Кина и земјите од Централна и Источна Европа, како и на постојаниот павилјон на овие држави.

На средбата беа разгледани и прашања поврзани со трговско-економските односи меѓу двете земји. Двете страни изразија задоволство од зголемениот извоз на бугарски земјоделски производи во Кина, како и од успешно организираниот трговски саем во Нингбо.

Вицепремиерот Зафиров истакна дека Бугарија има намера да ги засили односите со Кина на неколку клучни нивоа – економска соработка, инвестиции, извоз, научно-технолошки и образовен развој, како и културна и туристичка размена.

„Политичкиот дијалог и регионалната стабилност се исто така од суштинско значење за одржлив развој во рамките на меѓународните организации и во клучните региони за двете земји. Нашите односи треба да се градат на принципите на рамнотежа, реципроцитет и еднаков третман“, нагласи Зафиров, потенцирајќи го стратешкото значење на билатералната соработка.